Balitang San Pablo : Online

Sa dahilang si Concejala Karen C. Agapay ay may kinakailangang isagawang mga paghahanda bilang halal na Senior Member ng Sangguniang Panglalawigan, ang Serbisyong Pablo’y na pagkakaloob ng iba’t ibang tulong na ang karamihan ay sa larangan ng suliraning pampangasiwaan at panlegal na isinasagawa tuwing araw ng Biyernes sa One Stop Processing Center, ay pansamantala muna itong itinitigil, upang muling buksan para sa pagpapatuloy ng kanilang paglilingkod sa Hulyo 9, 2007 o sa ikalawang Araw ng Lunes ng bawan, at doon din sa kinaugaliang lugar sa One Stop Processing Center. Gayon pa man, nabanggit ni Atty. Karen Agapay na maaaring mabago pa ang araw na ito, batay sa mapagtitibay na Weekly Calendar of Activities ng sanggunian sa ilalim ng pamamatnugot ni Bise Gobernador Ramil Hernandez, bagama’t ang tinitiyak niya ay ito ay magpapatuloy, sapagka’t ito ay isang proyektong lubhang malapit sa puso at kaisipan ni Mayor Vicente B. Amante. (BENETA News)

Ngayong muling nagbukas ang mga paaralan, nabanggit ni City Administrator Loreto S. Amante na ipagpapatuloy ang palatuntunan sa pagtatanim ng mga punong kahoy sa bakuran ng paaralan na pinasimulan ng Tanggapan ng Punonglunsod at ng Sangay ng Lunsod ng San Pablo noong nakaraang Buwan ng Hulyo ng 2006 o sa pagsisimula ng Taong Panuruan 2006-2007. Ang palatuntunang ito ay tumatanggap ng tulong mula sa lahat ng tanggapan at ahensya ng pangasiwaang lunsod, sa pangunguna ng Office of the City Agriculturist, ng City Envrionment and Natural Resources Office, at ng City Solid Waste Management Office. Ayon kay Amben Amante, ang pagtatanim ng mga puno ay isinasagawang may kalakip na pagpapaunawa sa mga kabataang lumalahok sa palatuntunan sa halaga ng bawa’t punong matatanim at mabubuhay, hindi lamang para mapangalagaan ang kanyang kalusugan, kundi ang pagtatanim ng puno ay isang pagtiyak para ang kapaligiran ng lunsod ay maging matatag sa mga taong hinaharap. Ang mga ka...

Matapos na mabalik sa dating katawagang Technology Resources Center, ang Technology and Livelihood Resource Center (TLRC), na itinatag ni Gng. Imelda Romualdez Marcos bilang isa sa mga ahensya sa ilalim ng Ministry of Human Settlements, na sa ilalim ng Aquino Government ay nalagay sa ilalim ng Tanggapan ng Pangulo, ay nalipat sa ilalim ng pangangasiwa ng Department of Science and Technology sa paniniwala ni Pangulong Gloria Macapagal Arroyo na higit na makatutulong sa pagpapalawak ng paggamit ng mga napauunlad na teknolohiya sa pagpapataas ng antas ng kabuhayan ng mga mamamayan, kung ito ay magiging bahagi ng research and development group ng Kagawaran sa Agham at Teknolohiya, sang-ayon sa napag-alaman mula sa isang may pananagutang kawani ng Science and Technology Information Institute (STII). Maaalaala na noong panahon ng Marcos Administration, ang Technology Resource Center ay kaagapay ng Palatuntunang KKK na malaki ang naitulong para mapasigla ang maraming industriyan...

Sa layuning muling mapasigla ang implementasyon ng mga palatuntunang may kaugnayan sa pangangasiwa sa populasyon sa Lalawigan ng Cavite, isinagawa sa Bacoor kamakailan para sa District I ng lalawigan. Ang pagsasanay ay nilahukan ng pitong (7) population program workers mula sa mga Bayan ng Bacoor, Noveleta, Imus, at Rosario, kasama sina District Population Officer Conchitina Valledor at dalawang tanging kalahok. Bilang hepe ng Technical Service Division ng Commission on Population-Region IV, ipinaliwanag ni Bb. Luisa B. Nartatez ang nilalaman ng Seksyon 37 ng Batas Republika Bilang 7279 na may kaugnayan sa epekto ng Migration, at layunin ng Migration Information Center (MIC). Ang tinalakay ni Project Evaluation Officer Arlene S. Soriano ay ang nilalaman ng DILG Memorandum Circular No. 2001-132, ang kabutihan ng MIC data na tinipon sa antas ng mga barangay, at ang tungkulin at pananagutan ng mga migration officer. Tinalakay din ang mga tamang pag-uulat. Nilin...

Sa opisyal na pahayag ni Education Secretary Jesli Lapus na nakalathala sa website ng Department of Education na www.Deped.gov.ph noong nakaraang Sabado, Hunyo 2, 2007, ay malinaw na kanyang itinatagubilin sa lahat ng mga nangangasiwa o nagpapakilos ng mga paaralang publiko sa bansa na ang hindi pagbabayad ng mga may kapahintulutang kontribusyon ay hindi dapat na maging dahilan upang ang isang mag-aaral ay huwag itala at tanggapin. Ang ipinahihintulot na kontribusyon ay para lamang sa boy scouts, girl scouts, Philippine National Red Cross, at Anti-TB Campaign, gayon pa man, ipinaaalaala ni Kalihim Lapus na nananatiling ito ay kusangloob na tulong Sa mga paaralang naglalathala ng sariling pahayagan, ipinaaalaala ni Lapus na ang kontribusyon para rito ay hindi dapat humigit sa P55 para sa mga mag-aaral sa elementarya, at P80 para sa mga nagsisipag-aral sa sekondarya. Kung may awtorisadong samahan o organisasyon sa loob ng paaralan, ang kontribusyon dito ay h...