Ang Serbisyong Pablo’y na pinasimulan nina Alkalde Vicente B. Amante at Konsehala Karen C. Agapay may dalawang taon na ang nakalilipas, na pagkakatoob ng mga pagpapayong legal at pampangasiwaan sa mga mamamayan, at isinasagawa tuwing araw ng Biyernes, ay patuloy sang-ayon sa pahayag ni Pedrito D. Bigueras ng City Information Office. Ayon pa kay Bigueras, nabanggit ni Konsehala Agapay, na bagama’t simula sa Hunyo 30, siya ay manunungkulan na bilang board member o kagawad ng Sangguniang Panglalawigan, at magkakaroon na ng tanggapan sa Bulwagan ng Sangguniang Panglalawigan sa Santa Cruz, ay mananatiling pangangasiwaan niya ang Serbisyong Pablo’y tuwing araw ng Biyernes sa One Stop Processing Center, kung saan siya ay madali ring mapagsasadya ng kanyang mga constituent mula sa mga bayan o munisipyong bumubuo ng 3rd District of Laguna. Ang 3rd District ay binubuo ng mga bayan ng Alaminos, Calauan, Victoria, Rizal, Nagcarlan, at Liliw, at Lunsod ng San Pablo. Iniulat ni Bigueras na sa ...