Skip to main content

Estudyante ng University of Batangas nanguna sa PSQ

Isa na namang estudyante mula sa lalawigan ng Batangas ang kakatawan sa Katimugang Tagalog sa Philippine Statistics Quiz (PSQ) na taunang isinasagawa ng National Statistics Office (NSO) sa tulong ng Philippine Statistical Association (PSA). Si Justin Angelo P. Alvarez, estudyante sa Engineering ng University of Batangas ang siyang nanalo sa ginanap na PSQ Regional Elimination noong nakaraang Nobyembre 13 sa CAP Development Center sa Lipa City. Tinalo ni Justin ang dalawampu’t tatlo pang kalahok sa nasabing paligsahan mula sa iba’t-ibang unibersidad na sakop ng rehiyon.

Ang PSQ ay taunang paligsahan sa larangan ng Estadistika na unang isinagawa noong 1992. Ito ay isang hakbang para malaman ng madla ang halaga ng estadistika sa ating buhay. Sinasalihan ito ng mga mag-aaral sa unang taon ng kolehiyo na nakapagtapos ng sekondarya ng nakaraang Marso (o Abril).

Ngayong taong ito, umabot sa 121 na estudyante mula sa 50 eskwelahan ng rehiyon ang sumali sa PSQ. Mula dito, dalawampu’t-apat na estudyante ang naglaban-laban sa regional elimination. Sa provincial elimination ng PSQ na ginanap sa Lyceum of Batangas sa Batangas City noong nakaraang buwan ay pumangalawa lamang si Justin. Ang estudyante na si Mark Angelo B. Almero ng Lyceum of Batangas ang tumalo sa kanya. Ngunit pagdating sa regional elimination ay nagpakita siya ng gilas at tinalo niya ang 23 estudyante na kabilang sa top five ng kani-kaniyang probinsya sa isinagawang PSQ provincial eliminations. Tumanggap si Justin ng P3,000 bilang premyo at certificate of recognition. Ang dalawa pang nanguna sa regional elimination ay si Nelvin D. Cortiñas, estudyante ng National College of Science and Technology sa Cavite na nakuha ang ikalawang karangalan at pumangatlo naman si Emerose R. Abellanosa, mula sa Southern Luzon State University (SLSU) sa Lucban, Quezon. Si Nelvin at Emerose ay nagkamit ng ika-apat at ika-limang puwesto sa provincial elimination ngunit nagawa nilang makasama sa top 3 pagdating sa regional elimination ng PSQ.

Sa ika-4 ng Disyembre, si Justin ang siyang kakatawan sa CALABARZON sa national finals na gaganapin sa Maynila. Maaari siyang manalo ng P 25,000 kung siya ang tatanghaling PSQ national champion at ang coach niya ay mabibigyan din ng halagang P 12,500. Hindi niya mararating ang national finals kung hindi sa tulong ng kanyang coaches na sina Engr. Jhona Barza at Engr. G.M. Cabrera. Noong 2006, si Raymon M. Manalo ng Batangas State University (BSU) ang kumatawan sa ating rehiyon. P IV-A sa General. Luna Avenue, Sabang, Lipa City o tumawag sa numero (043) 756-0412 o 981-2928. (NSO-IV-A)

Comments

Post a Comment

Popular posts from this blog

FELICISIMO T. SAN LUIS, ANG ALAMAT NG LAGUNA

Si Abogado Felicisimo Tobias San Luis, na isinilang noong Hunyo 23, 1919, at lumaki sa Bayan ng Santa Cruz, ay nanungkulang Punonglalawigan ng Laguna simula noong Disyembre 30, 1955 hanggang sa siya ay papagpamahingahin noong Disyembre 18, 1992, o siya ay tuloy-tuloy na nanungkulan sa loob ng 36 taon, 11 buwan, at 18 araw, na kinikilala ng kasaysayan na siya ang natatanging lider na nanungkulan bilang punong tagapagpaganap ng isang lalawigan sa Pilipinas sa ganoong kahabang panahon.      Isang mabuting mananalumpati, nang ibaba ni Pangulong Ferdinand E. Marcos ang Martial Law o ng ipatupad ang Presidential Proclamation No. 1081 noong 1972, sila ni Alkalde Cesar P. Dizon ng Lunsod ng San Pablo noon, ang inatasan ng Pangulo ng Bansa na maglibot sa mga lalawigan ng bansa upang ipaunawa sa mga pinunong lokal   ang kahulugan ng Martial Law bilang isang proseso upang maitatag ang Bagong Lipunan na inaasahang magbibigay-daan upang makamit ang pambansang kaunlarang pa...
2 comments
Read More

DOÑA LEONILA (MINI-FOREST) PARK

What is now known as Doña Leonila (Mini-Forest) Park overlooking the Sampaloc Lake is actually a portion of the site for the City Hall Complex purchased in 1937 by the Municipal Government of San Pablo headed by President Inocencio Barleta, which was partly developed after the termination of World War II under the administration of appointed City Mayor, Dr. Fernando A. Bautista. During the incumbency of elected Mayor Lauro D. Dizon Sr., with the help of the Rotary Club of San Pablo, and under the supervision of Dr. Juan B. Hernandez, then club secretary of the local Rotary Club and Chairman of the City Beautification Committee, constructed some park structures at the park, with the fountain featuring the country lass with agriculture harvest as centerpiece. Probably, Hernandez and then City Engineer Perfecto Reyes were inspired by the figures affixed on the façade of the City Hall Building which symbolizes progress. Sometimes on April of 1961 when then President Carlos Garcia made a...
Post a Comment
Read More

Profile of THE OUTSTANDING SAN PABLEÑOS 2011

By The Selection and Awards Committee In commemoration of the 71st Charter Anniversary of the City of San Pablo , Outstanding San Pableños have been chosen to represent what the city and its people are all about. The Outstanding San Pableños were chosen from nominees who are natural-born citizens of San Pablo or who have resided in the city for at least 20 years or naturalized citizens who have shown excellence in their professions and have contributed to the development of the country, the city, and their respective communities. 1. HEALTH SERVICES - DR. EMMANUEL DE VERATURDA LOYOLA , MD , FPSGS, FPCS             Dr. Eman Loyola is a native of Silang, Cavite who has migrated to San Pablo when he married Marylene Isip Azucena in 1990. He is a medical doctor by profession who graduated as Doctor of Medicine and Surgery at the University of the Philippines wherein he was recipient of the Dr. Jose Mascunana and Dr. Felipe Zamora...
Post a Comment
Read More