Skip to main content

SEGREGASYON NG BASURA, SIMULA SA HUNYO 16


Si Engr. Ruel J. Dequito samantalang nagpapaliwanag sa

kapulungan ng mga pinunong nayon

Nang humarap si Engr. Ruel J. Dequito, officer-in-charge ng City Solid Waste Management Office noong Lunes ng umaga sa buwanang pulong ng Liga ng mga Barangay, kanyang ipinaaalaala na simula sa Hunyo 16, araw ng Marfes, ay ipatutupad na ang bagong eskedyul o araw ng koleksyon ng basura, gaya ng mga sumusunod: Lunes, Miyerkoles, Biyernes, at Linggo ay ang mga basurang nabubulok o biodegradable; at Martes, Huwebes, at Sabado ay ang basurang hindi nabubulok o non-biodegradable.

Dahil dito, nabanggit ni Engr. Dequito na pananagutan ng lahat, maging ito ay sa tahanan o sa paggawaan, na pagbukodbukurin ang kanilang basura sa pamamagitan ng paglalagay ng mga bagay na nabubulok sa isang sako o plastic bag, at ang mga hindi nabubulok sa ibang lalagyan, at ilalabas lamang ito pagnarinig na ang batingting, na ang pinakamaaga ay sa ika-5:00 ng madaling araw. Tuwing umaga lamang may magdaraang trak ng basura para kolektahin ang basura.

Ipinagbabawal na ang pagsasabit ng nakasakong basura sa mga tarangkahan o pako sa pader sa gilid ng lansangan, kaya dapat hikayatin ng mga pinunong nayon ang kanilang mga kanayon na sanayin ang sariling ilabas lamang ang tamang uri ng basura sa tamang araw at oras, paalaala ni Dequito.

Samantala, noong Martes ng umaga, sa San Pablo City (Host) Lions Clubhouse ay isinagawa ang seminar sa kung papaano ipatutupad ang “Generic Law on Solid Waste Management of San Pablo City” sa ilalim ng City Ordinance No. 2003-15, na binalankas bilang pag-alinsunod sa iniuutos ng Ecological Solid Waste Management Act of 2000 o Batas Republika Bilang 9003.

Sa nabanggit na pulong ay pormal na pinagkalooban ng awtorisasyon ang mga itinalagang mga City Solid Waste Management Enforcer, na pawang mga rekomendado ng punong barangay ng bawa’t barangay sa Lunsod ng San Pablo. (Ruben E. Taningco)

Comments

Post a Comment

Popular posts from this blog

DOÑA LEONILA (MINI-FOREST) PARK

What is now known as Doña Leonila (Mini-Forest) Park overlooking the Sampaloc Lake is actually a portion of the site for the City Hall Complex purchased in 1937 by the Municipal Government of San Pablo headed by President Inocencio Barleta, which was partly developed after the termination of World War II under the administration of appointed City Mayor, Dr. Fernando A. Bautista. During the incumbency of elected Mayor Lauro D. Dizon Sr., with the help of the Rotary Club of San Pablo, and under the supervision of Dr. Juan B. Hernandez, then club secretary of the local Rotary Club and Chairman of the City Beautification Committee, constructed some park structures at the park, with the fountain featuring the country lass with agriculture harvest as centerpiece. Probably, Hernandez and then City Engineer Perfecto Reyes were inspired by the figures affixed on the façade of the City Hall Building which symbolizes progress. Sometimes on April of 1961 when then President Carlos Garcia made a...
Post a Comment
Read More

FELICISIMO T. SAN LUIS, ANG ALAMAT NG LAGUNA

Si Abogado Felicisimo Tobias San Luis, na isinilang noong Hunyo 23, 1919, at lumaki sa Bayan ng Santa Cruz, ay nanungkulang Punonglalawigan ng Laguna simula noong Disyembre 30, 1955 hanggang sa siya ay papagpamahingahin noong Disyembre 18, 1992, o siya ay tuloy-tuloy na nanungkulan sa loob ng 36 taon, 11 buwan, at 18 araw, na kinikilala ng kasaysayan na siya ang natatanging lider na nanungkulan bilang punong tagapagpaganap ng isang lalawigan sa Pilipinas sa ganoong kahabang panahon.      Isang mabuting mananalumpati, nang ibaba ni Pangulong Ferdinand E. Marcos ang Martial Law o ng ipatupad ang Presidential Proclamation No. 1081 noong 1972, sila ni Alkalde Cesar P. Dizon ng Lunsod ng San Pablo noon, ang inatasan ng Pangulo ng Bansa na maglibot sa mga lalawigan ng bansa upang ipaunawa sa mga pinunong lokal   ang kahulugan ng Martial Law bilang isang proseso upang maitatag ang Bagong Lipunan na inaasahang magbibigay-daan upang makamit ang pambansang kaunlarang pa...
2 comments
Read More

BARBARA JEAN APOSTOL A San Pableña
Passed the BAR Examination in the State of New York, U. S. A.

Miss Philippines-USA 2004-2005, Barbara Jean Chumacera Apostol, 27, passed the New York State’s examination for admission to the BAR given on July 24-25, 2007 . She attained her law degree at Hofstra University School of Law in the State of New York where she graduated with honors last May 20, 2007 . At Hofstra Law School , Barbara was the Vice President of the Asian Pacific American Law Students Association and was appointed to the position of Diversity Affairs Coordinator by the president of the Student Bar Association. Ms. Apostol was a 2002 cum luade graduate of Boston College, one of the oldest Jesuit University in the United States with campus in Chestbut Hill, Massachusetts, where she majored in pre-law and communication studies. Incidentally, she completed her elementary and secondary education at Sachem High School in Lake Ronkonkoma, NY. Barbara Jean is a daughter of Antonio Apostol and former Abecinia “Baisy” Chumacera of Barangay San Francisco, San Pablo Ci...
Post a Comment
Read More