Skip to main content

PHILIP MORRIS, NAGHATID NG TULONG NA PANGKALUSUGAN SA SAN PABLO CENTRAL SCHOOL

Personal na ipinaabot ni School Principal Analiza D. Banayo ang pasasalamat sa pangalan ng pangasiwaan ng San Pablo Central School sa tulong na pinagkaloob ng Embrace Foundation na kinatawan ni Manager Felizardo C. Mercado Jr. (kanan) sa pakikipag-ugnayan sa San Pablo Seven Lakes Jaycees na pinangungunahan ni Pangulong Jojo Agoncillo..

SAN PABLO CITY – Sa koordinasyon ng Embrace Foundation, na may pakikipagtulungan ng Junior Chamber International-San Pablo Seven Lakes, Philippine Band of Mercy, at City Health Office, ang Philip Morris Philippines Manufacturing, Inc. ay naghatid ng paglilingkod ng pagsusuring medical at dental sa mga Grade I Pupils ng San Pablo Central School noong nakaraang Martes, Setyembre 8, 2009, simula sa ganap na ika-8:00 ng umaga hanggang ika-12:00 ng tanghali, na ginanap sa Rizal Hall ng nabanggit na pinakamalaking elementary school unit sa lunsod na ito.

May mga batang matapos na masuri ay pinagkalooban ng mga vitamin, at ang iba ay sumailalim ng de-worming o pinurga sa bulate na ang ginamit na gamot at iba pang panustos sa panggagamot ay siyang ipinagkaloob ng Philip Morris Philippines Manufacturing, Inc. na kinatawan sa implementasyon ng palatuntunan ni Community Relations Manager Felizardo C. Mercado Jr. Si Gng. Analiza D. Banayo, punong guro ng paaralang sentral ang siyang sumubaybay para sa kaayusan ng pakikipagkita ng mga batang mag-aaral sa mga manggagamot at dentista.

Ayon kay Gng. Banayo, ang isinagawang medical and dental check up ay malaking tulong upang matiyak ang kalalagayang pangkalusugan ng mga Grade One pupils, upang ang nangangailangan ng tulong o tanging atensyon ay mapagkaloob ng tamang kagamutan at pagpapayong pangkalusugan.

Samantala, nabanggit ni Community Relations Manager Felizardo C. Mercado Jr. na ang palatuntunan ay naaayon sa paniniwala ng Philip Morris na ang korporasyong nakikinabang sa kanilang negosyo ay dapat na magbahagi ng kanilang tinatamong tagumpay at pakinabang sa pamayanang tumatangkalik ng kanilang kalakal o pinananahanan ng kanilang mga manggagawa o tauhan. Ang isang korporasyon ay may pananagutang panglipunan o corporate social responsibility.

Sapagka’t ang paghahatid ng mga paglilingkod na panglipunan ay may sariling kakanyaan, nabanggit ni Mercado na sila ay nakikipag-ugnayan at nagaabot ng pakikipagtulungan upang maipatupad ang kanilang layunin sa mga organisasyon sa paglilingkod tulad ng Rotary Club, at organisasyon sa pagsasanay para maging lider tulad ng Jaycee Club, gayon din sa mga organisasyon sa pagkakawanggawa tulad ng Philippine Band of Mercy na kaanib ng American Cleft Palate-Craniofacial Association sa Estados Unidos at Canada.

Ang Philippine Band of Mercy ay tumutulong sa mga mahihirap na Pilipino na isinilang na may kapansanang pisikal tulad ng cleft/palate harelips, at cataract and glaucoma sa bata, o apektado ng hydrocephalus at ng meningocele, paunawa ni Jun Mercado..

Bilang kabalikat ng Embrace Foundation, ang JCI-San Pablo Seven Lakes ay personal na pinangunahan ni Local Organization President Jose “Jojo” A. Agoncillo Jr., kasama sina Immediate Past President Normandy I. Flores, Club Secretary Angelo Cabrera, at iba pang tagapangulo ng iba’t lupon ng samahan. (Ruben E. Taningco)

Comments

Post a Comment

Popular posts from this blog

DOÑA LEONILA (MINI-FOREST) PARK

What is now known as Doña Leonila (Mini-Forest) Park overlooking the Sampaloc Lake is actually a portion of the site for the City Hall Complex purchased in 1937 by the Municipal Government of San Pablo headed by President Inocencio Barleta, which was partly developed after the termination of World War II under the administration of appointed City Mayor, Dr. Fernando A. Bautista. During the incumbency of elected Mayor Lauro D. Dizon Sr., with the help of the Rotary Club of San Pablo, and under the supervision of Dr. Juan B. Hernandez, then club secretary of the local Rotary Club and Chairman of the City Beautification Committee, constructed some park structures at the park, with the fountain featuring the country lass with agriculture harvest as centerpiece. Probably, Hernandez and then City Engineer Perfecto Reyes were inspired by the figures affixed on the façade of the City Hall Building which symbolizes progress. Sometimes on April of 1961 when then President Carlos Garcia made a...
Post a Comment
Read More

FELICISIMO T. SAN LUIS, ANG ALAMAT NG LAGUNA

Si Abogado Felicisimo Tobias San Luis, na isinilang noong Hunyo 23, 1919, at lumaki sa Bayan ng Santa Cruz, ay nanungkulang Punonglalawigan ng Laguna simula noong Disyembre 30, 1955 hanggang sa siya ay papagpamahingahin noong Disyembre 18, 1992, o siya ay tuloy-tuloy na nanungkulan sa loob ng 36 taon, 11 buwan, at 18 araw, na kinikilala ng kasaysayan na siya ang natatanging lider na nanungkulan bilang punong tagapagpaganap ng isang lalawigan sa Pilipinas sa ganoong kahabang panahon.      Isang mabuting mananalumpati, nang ibaba ni Pangulong Ferdinand E. Marcos ang Martial Law o ng ipatupad ang Presidential Proclamation No. 1081 noong 1972, sila ni Alkalde Cesar P. Dizon ng Lunsod ng San Pablo noon, ang inatasan ng Pangulo ng Bansa na maglibot sa mga lalawigan ng bansa upang ipaunawa sa mga pinunong lokal   ang kahulugan ng Martial Law bilang isang proseso upang maitatag ang Bagong Lipunan na inaasahang magbibigay-daan upang makamit ang pambansang kaunlarang pa...
2 comments
Read More

BARBARA JEAN APOSTOL A San Pableña
Passed the BAR Examination in the State of New York, U. S. A.

Miss Philippines-USA 2004-2005, Barbara Jean Chumacera Apostol, 27, passed the New York State’s examination for admission to the BAR given on July 24-25, 2007 . She attained her law degree at Hofstra University School of Law in the State of New York where she graduated with honors last May 20, 2007 . At Hofstra Law School , Barbara was the Vice President of the Asian Pacific American Law Students Association and was appointed to the position of Diversity Affairs Coordinator by the president of the Student Bar Association. Ms. Apostol was a 2002 cum luade graduate of Boston College, one of the oldest Jesuit University in the United States with campus in Chestbut Hill, Massachusetts, where she majored in pre-law and communication studies. Incidentally, she completed her elementary and secondary education at Sachem High School in Lake Ronkonkoma, NY. Barbara Jean is a daughter of Antonio Apostol and former Abecinia “Baisy” Chumacera of Barangay San Francisco, San Pablo Ci...
Post a Comment
Read More