Pinutol ni Congresswoman Ma. Evita R. Arago ang lingguhang pakikipag-ugnayan sa kanyang mga constituent na isinasagawa sa Sityo Baloc noong nakaraang Araw ng Linggo upang magtungo sa Bayan ng Victoria matapos tanggapin ang ulat ni Mayor Dwight “Ike” Kampitan M. D. na doon ay may mga biktimang iniwanan ang Bagyong Ondoy. Sa larawan samantalang pinupulong ng kongresista ang mga nagboluntaryong kasapi ng mga homeownters association sa Victoria upang matiyak na ang mga biktima na ang karamihan ay nasa mga Barangay ng San Roque (Poblacion), San Benito, at Pagalangan ay mapagkalooban ng tulong na pagkain, at gamot na inihahatol ng tuminging municipal health doctor. (Ruben E. Taningco)
Si Abogado Felicisimo Tobias San Luis, na isinilang noong Hunyo 23, 1919, at lumaki sa Bayan ng Santa Cruz, ay nanungkulang Punonglalawigan ng Laguna simula noong Disyembre 30, 1955 hanggang sa siya ay papagpamahingahin noong Disyembre 18, 1992, o siya ay tuloy-tuloy na nanungkulan sa loob ng 36 taon, 11 buwan, at 18 araw, na kinikilala ng kasaysayan na siya ang natatanging lider na nanungkulan bilang punong tagapagpaganap ng isang lalawigan sa Pilipinas sa ganoong kahabang panahon. Isang mabuting mananalumpati, nang ibaba ni Pangulong Ferdinand E. Marcos ang Martial Law o ng ipatupad ang Presidential Proclamation No. 1081 noong 1972, sila ni Alkalde Cesar P. Dizon ng Lunsod ng San Pablo noon, ang inatasan ng Pangulo ng Bansa na maglibot sa mga lalawigan ng bansa upang ipaunawa sa mga pinunong lokal ang kahulugan ng Martial Law bilang isang proseso upang maitatag ang Bagong Lipunan na inaasahang magbibigay-daan upang makamit ang pambansang kaunlarang pa...
Comments
Post a Comment