Skip to main content

AMBEN AMANTE, BUMABATI SA PHILHEALTH

SAN PABLO CITY – Bilang paraan ng pagbati sa pagsapit ng ika-16 Anibersaryo ng Pagkakatatag, matapat na pinahahalagahan ni City Administrator Loreto S. Amante ang malaking tulong na naipagkakaloob ng National Health Insurance Program na ipinatutupad ng Philippine Health Insurance Corporation (PhilHealth) upang maayos na maipatupad sa lunsod na ito ang Palatuntunan sa Pagkakaloob ng mga Tulong na Pangkalusugan sa mga Mahihirap o City Indigency Program, at sa mga nagpapagamot sa ospital, sapagka’t ang nadudugtungan ng palatuntunan ang limitadong pondong nailalaan ng pangasiwaang lokal para sa pagtulong sa mga mahihirap nitong mamamayan.

     Sa mga uri ng pagiging kaanib ng PhilHealth, nabanggit ng City Administrator na ang higit na kapakipakinabang at malaki ang naitutulong ay ang sponsored member, o ang mga mahihirap na pamilyang kaya nasasakop ng pambansang palatuntunan sa kaseguruhang panglipunan ay sa tulong ng yunit ng pangasiwaang lokal at ng PhilHealth, kung saan ang P1,200 nagugugol sa pagpapatala, halimbawa ay ng isang pamilyang may limang kaanib (o binubuo ng ama, ina, dalawang anak, at magulang na mahigit na sa 60 taong gulang) ang lahat ng miyembro ng pamilya ay may karapatan sa pagpapagamot sa isang paggamutan, kaya maraming ulit ang nagiging pakinabang sa P1,200 puhunan.

     Ipinagmamalaki rin ni Administrator Amben Amante na ang mga tauhang nakatalaga sa PhilHealth San Pablo City Service Center, na ngayon ay nasa kahabaan ng Col. Lino Cosico Avenue sa Barangay Del Remedio, malapit sa kampus ng Laguna State Polytechnic University (LSPU), sa pangunguna nina Bb. Eloisa Tagbo at Gng. Luningning G. Lee,  ay hindi nagiging paksa ng ano mang pagrireklamo, o kinakikitaan ng magandang paglilingkod ng mga mamamayan.

      Samantala, kaugnay ng requirement o pangangailangan na ang mga operators ng tricycle  ay kinakailangang maglakip ng sertipikasyon mula sa PhilHealth  sa kanilang application for renewal of registration, dapat malaman ng lahat na ito ay hindi isang alituntuning ipinatutupad ng pangasiwaang lokal, kundi ito ay pag-alinsunod sa iniuutos ng Batas Republika Bilang 7742 sa lahat ng mga nagpapakilos at may prangkisa o operators and franchise holder na dapat sila ay rehistradong miyembro ng PhilHealth o nasasakop ng National Health Insurance Program.  Ang paghingi ng sertipikasyon mula sa Social Security System, at sa  PAGIBIG Fund ay pag-alinsunod naman sa iniaatas ng Batas Republika Bilang 9679 o  Home Development Mutual Fund of 2009 na naglalayong maipairal ang katarungang panglipunan at pagsasakit na matamo ang pambansang kaunlaran. 

     Ang paglalakip ng sertipikasyon mula sa PhilHealth, SSS, at PAGIBIG ay iniaatas ng batas sa mga operators and franchise holder, kaya wala sa kapangyarihan ng pangasiwaang lokal na ito ay ipagwalang-bahala o pigilin, sa halip, ito ay isang obligasyong ipatupad. (Ruben E. Taningco)     

Comments

Post a Comment

Popular posts from this blog

DOÑA LEONILA (MINI-FOREST) PARK

What is now known as Doña Leonila (Mini-Forest) Park overlooking the Sampaloc Lake is actually a portion of the site for the City Hall Complex purchased in 1937 by the Municipal Government of San Pablo headed by President Inocencio Barleta, which was partly developed after the termination of World War II under the administration of appointed City Mayor, Dr. Fernando A. Bautista. During the incumbency of elected Mayor Lauro D. Dizon Sr., with the help of the Rotary Club of San Pablo, and under the supervision of Dr. Juan B. Hernandez, then club secretary of the local Rotary Club and Chairman of the City Beautification Committee, constructed some park structures at the park, with the fountain featuring the country lass with agriculture harvest as centerpiece. Probably, Hernandez and then City Engineer Perfecto Reyes were inspired by the figures affixed on the façade of the City Hall Building which symbolizes progress. Sometimes on April of 1961 when then President Carlos Garcia made a...
Post a Comment
Read More

FELICISIMO T. SAN LUIS, ANG ALAMAT NG LAGUNA

Si Abogado Felicisimo Tobias San Luis, na isinilang noong Hunyo 23, 1919, at lumaki sa Bayan ng Santa Cruz, ay nanungkulang Punonglalawigan ng Laguna simula noong Disyembre 30, 1955 hanggang sa siya ay papagpamahingahin noong Disyembre 18, 1992, o siya ay tuloy-tuloy na nanungkulan sa loob ng 36 taon, 11 buwan, at 18 araw, na kinikilala ng kasaysayan na siya ang natatanging lider na nanungkulan bilang punong tagapagpaganap ng isang lalawigan sa Pilipinas sa ganoong kahabang panahon.      Isang mabuting mananalumpati, nang ibaba ni Pangulong Ferdinand E. Marcos ang Martial Law o ng ipatupad ang Presidential Proclamation No. 1081 noong 1972, sila ni Alkalde Cesar P. Dizon ng Lunsod ng San Pablo noon, ang inatasan ng Pangulo ng Bansa na maglibot sa mga lalawigan ng bansa upang ipaunawa sa mga pinunong lokal   ang kahulugan ng Martial Law bilang isang proseso upang maitatag ang Bagong Lipunan na inaasahang magbibigay-daan upang makamit ang pambansang kaunlarang pa...
2 comments
Read More

BARBARA JEAN APOSTOL A San Pableña
Passed the BAR Examination in the State of New York, U. S. A.

Miss Philippines-USA 2004-2005, Barbara Jean Chumacera Apostol, 27, passed the New York State’s examination for admission to the BAR given on July 24-25, 2007 . She attained her law degree at Hofstra University School of Law in the State of New York where she graduated with honors last May 20, 2007 . At Hofstra Law School , Barbara was the Vice President of the Asian Pacific American Law Students Association and was appointed to the position of Diversity Affairs Coordinator by the president of the Student Bar Association. Ms. Apostol was a 2002 cum luade graduate of Boston College, one of the oldest Jesuit University in the United States with campus in Chestbut Hill, Massachusetts, where she majored in pre-law and communication studies. Incidentally, she completed her elementary and secondary education at Sachem High School in Lake Ronkonkoma, NY. Barbara Jean is a daughter of Antonio Apostol and former Abecinia “Baisy” Chumacera of Barangay San Francisco, San Pablo Ci...
Post a Comment
Read More