Skip to main content

KAPULUNGAN NG MGA BARANGAY SA MARSO 26, OBLIGADONG DALUHAN

 
     Pagtalima sa itinatagubilin ng Memorandum Circular No. 2011-28 ni Interior and Local Government Secretary Jesse M. Robredo na pinagtibay noong nakaraang Pebrero 24, 2011 ay gaganapin ng sabaysabay sa buong bansa ang Synchronized Barangay Assembly Day sa darating na  Marso 26, 2011, araw ng Sabado, at ito ay para sa first semester o unang anim na buwan ng taong kasalukuyan, sang-ayon kay City Local Government Operations Officer Marciana S. Brosas, nang siya ay dumalo sa buwanang pulong ng Liga ng mga Barangay noong Lunes ng umaga sa Barangay Training Center ng lunsod.

     Sa tagubilin ni Kalihim Robredo, ang mga dapat talakayin sa kapulungan ng lahat ng mga rehistradong botante sa barangay ay (1) pag-uulat ng mga naisagawa ng sangguniang barangay sa nakaraang semester o Hulyo hanggang Disyembre ng Taong 2010; (2) talakayan sa mga gawain ng Barangay Development Council na siya na ring gaganap na Barangay Disaster Risk and Management Council; Barangay Peace and Order Council na ang pangunahing tatalakayin ay ang  nilalaman ng DILG Memorandum Circular No. 2011-24 na paglulunsad ng seryosong kampanya laban sa sugal at iba pang labag sa batas na gawain;  (3) Barangay Council for the Protection of Women and Children; at (4) talakayan ukol sa pananalapi ng pangasiwaang barangay..

     Ayon kay Brosas, maaari ring talakayin sa kapulungan ang mga ipatutupad na palatuntunan na may kaugnayan sa pangangasiwa sa koleksyon ng basura, at ang mga kinakailangang paghahanda para makaipon ng sapat na punla ng punong kahoy na itatanim sa darating na Hunyo 25, 2011 kasabay ng lahat pang barangay sa bansa.  Ang nabanggit na pagtatanim ay naaayon sa National Greening Program kung saan ang inaasahan ay makakapagtanim ng mahigit na isang bilyong puno sa buong bansa sa nabanggit na araw na kilala sa kasaysayan bilang Arbor Day.o Araw ng Punongkahoy.

     Nabanggit ni Brosas na pananagutan ng mga bumubuo ng sangguniang barangay na bigyan ng promosyon o malawakang pagpapaalaala sa lahat ng mga rehistradong botante sa barangay na daluhan nag barangay assembly, sapagka’t ito ay malinaw na nakatadhana sa Local Government Code of 1991 o Batas Republika Bilang 7160 na nag-uutos ng pagsasagawa ng dalawang pangkalahatang pagpupulong bawa’t taon, ang una ay sa unang semestre na itinatakda sa huling araw ng Sabado sa buwan ng Marso; ang kapulungan sa ika-2 semestre ay sa ikatlong Sabado ng buwan ng Oktubre.

     Mahalaga ring daluhan ang ika-2 pagpupulong o sa Oktubre 15, 2011 sapagka’t dito dapat ilahad ng punong barangay ang pinagtibay ng sangguniang barangay na annual barangay budget para sa susunod na taon, upang ratipikahin ng mga taga-barangay, paliwanag ni CLGOO Marciana S. Brosas. (Ruben E. Taningco)

Comments

Post a Comment

Popular posts from this blog

FELICISIMO T. SAN LUIS, ANG ALAMAT NG LAGUNA

Si Abogado Felicisimo Tobias San Luis, na isinilang noong Hunyo 23, 1919, at lumaki sa Bayan ng Santa Cruz, ay nanungkulang Punonglalawigan ng Laguna simula noong Disyembre 30, 1955 hanggang sa siya ay papagpamahingahin noong Disyembre 18, 1992, o siya ay tuloy-tuloy na nanungkulan sa loob ng 36 taon, 11 buwan, at 18 araw, na kinikilala ng kasaysayan na siya ang natatanging lider na nanungkulan bilang punong tagapagpaganap ng isang lalawigan sa Pilipinas sa ganoong kahabang panahon.      Isang mabuting mananalumpati, nang ibaba ni Pangulong Ferdinand E. Marcos ang Martial Law o ng ipatupad ang Presidential Proclamation No. 1081 noong 1972, sila ni Alkalde Cesar P. Dizon ng Lunsod ng San Pablo noon, ang inatasan ng Pangulo ng Bansa na maglibot sa mga lalawigan ng bansa upang ipaunawa sa mga pinunong lokal   ang kahulugan ng Martial Law bilang isang proseso upang maitatag ang Bagong Lipunan na inaasahang magbibigay-daan upang makamit ang pambansang kaunlarang pa...
2 comments
Read More

DOÑA LEONILA (MINI-FOREST) PARK

What is now known as Doña Leonila (Mini-Forest) Park overlooking the Sampaloc Lake is actually a portion of the site for the City Hall Complex purchased in 1937 by the Municipal Government of San Pablo headed by President Inocencio Barleta, which was partly developed after the termination of World War II under the administration of appointed City Mayor, Dr. Fernando A. Bautista. During the incumbency of elected Mayor Lauro D. Dizon Sr., with the help of the Rotary Club of San Pablo, and under the supervision of Dr. Juan B. Hernandez, then club secretary of the local Rotary Club and Chairman of the City Beautification Committee, constructed some park structures at the park, with the fountain featuring the country lass with agriculture harvest as centerpiece. Probably, Hernandez and then City Engineer Perfecto Reyes were inspired by the figures affixed on the façade of the City Hall Building which symbolizes progress. Sometimes on April of 1961 when then President Carlos Garcia made a...
Post a Comment
Read More

Profile of THE OUTSTANDING SAN PABLEÑOS 2011

By The Selection and Awards Committee In commemoration of the 71st Charter Anniversary of the City of San Pablo , Outstanding San Pableños have been chosen to represent what the city and its people are all about. The Outstanding San Pableños were chosen from nominees who are natural-born citizens of San Pablo or who have resided in the city for at least 20 years or naturalized citizens who have shown excellence in their professions and have contributed to the development of the country, the city, and their respective communities. 1. HEALTH SERVICES - DR. EMMANUEL DE VERATURDA LOYOLA , MD , FPSGS, FPCS             Dr. Eman Loyola is a native of Silang, Cavite who has migrated to San Pablo when he married Marylene Isip Azucena in 1990. He is a medical doctor by profession who graduated as Doctor of Medicine and Surgery at the University of the Philippines wherein he was recipient of the Dr. Jose Mascunana and Dr. Felipe Zamora...
Post a Comment
Read More