Handa na ang Pamahalaang Panlalawigan ng Laguna para sa ikalawang taong pagdaraos ng La Laguna Festival na tinaguriang “The Festival of Life”. Unang inilunsad ang La Laguna Festival noong nakaraang taon kung saan umani ito ng mga papuri't paghanga mula sa Department of Tourism at maparangalan bilang “The Best Tourism Event, Festival Category Provincial Level” sa buong Pilipinas. Bunsod ng naging matagumpay ng La Laguna Festival noong nakaraang taon at marami ang nabitin sa saya, minabuti ni Gobernador Jeorge E.R. Ejercito Estregan na gawing sampung (10) araw ang festival na magsisimula sa Abril 20 (Biyernes) at matatapos ng Abril 29, 2012 (Linggo) sa pamamagitan ng fireworks display. Tiniyak nina Governor E.R. at Laguna Tourism, Culture, Arts, and Trade Office Head Delto “Mike” Abarquez na triple ang gagawing kabonggahan ngayon ng 2012 La Laguna Festival na may temang “Uno Progreso...Una Sa Saya, Buhay Laguna.”
Si Abogado Felicisimo Tobias San Luis, na isinilang noong Hunyo 23, 1919, at lumaki sa Bayan ng Santa Cruz, ay nanungkulang Punonglalawigan ng Laguna simula noong Disyembre 30, 1955 hanggang sa siya ay papagpamahingahin noong Disyembre 18, 1992, o siya ay tuloy-tuloy na nanungkulan sa loob ng 36 taon, 11 buwan, at 18 araw, na kinikilala ng kasaysayan na siya ang natatanging lider na nanungkulan bilang punong tagapagpaganap ng isang lalawigan sa Pilipinas sa ganoong kahabang panahon. Isang mabuting mananalumpati, nang ibaba ni Pangulong Ferdinand E. Marcos ang Martial Law o ng ipatupad ang Presidential Proclamation No. 1081 noong 1972, sila ni Alkalde Cesar P. Dizon ng Lunsod ng San Pablo noon, ang inatasan ng Pangulo ng Bansa na maglibot sa mga lalawigan ng bansa upang ipaunawa sa mga pinunong lokal ang kahulugan ng Martial Law bilang isang proseso upang maitatag ang Bagong Lipunan na inaasahang magbibigay-daan upang makamit ang pambansang kaunlarang pa...
Comments
Post a Comment