DISCON 2011 Sa Boracay Ng R. I. District 3820

Sa nakaraang pakikipanayam ni Bb. Chun-Chun Azucena ng CELESTRON Cable Television, iniulat ni President Melky Guan ng Rotary Club of Central San Pablo City na ang District Conference (DISCON) 2011 ng Rotary International District 3820 na pinangangasiwaan ni District Governor Fortunato “Tato” Dimayuga na may hurisdiksyon sa mga klab sa Katimugang Luzon ay nakatakdang ganapin sa Boracay Eco-Village and Convention Center sa darating na Abril 8 – 10, 2011 sa pagtangkilik ng Rotary Club of Tanauan. Ang mga delegadong mamarapating sumakay sa MV Maria Xenia ay  aalis sa Batangas City Pier sa ganap na ika-10:00 ng gabi ng Miyerkoles, Abril 6 na inaasahang daraong sa Caticlan Pier sa Malay, Aklan sa ganap na ika-8:00 ng umaga ng Huwebes, Abril 7. Bago buksan ang District Convention ay gaganapin ang 5^th Leg ng District Governor’s Golf Tournament, at ang Governor Tato 3-Kilometer Fun Run. Sa pagbalik, ang charter ship ng mga delegado ay aalis ng Caticlan Pier sa ganap na ika-6:00 ng gabi ng Abril 10 at inaasahan sa Batangas Pier sa ganap ng ika-4:00 ng umaga ng susunod na araw ng Lunes, Abril 11. (Ruben E. Taningco)