Skip to main content

NATATANGING HAYOP AT IBON, DAPAT PANGALAGAAN


    SAN PABLO CITY – Nagpapaalaala si City Environment and Natural Resources Officer Ramon R. de Roma na ipinatutupad dito sa Katimugang Tagalog ang tadhana ng  Batas Republika Bilang 9147, na lalong kilala bilang “The Wildlife Conservation and Protection Act of  2001” na ang layunin ay mapangalagaan ang buhay-ilang sa bansa, lalo na ng mga ibon at hayop na ang lahi ay  halos nalilipol na. 

     Inakda ni Congressman Nereus Acosta ng Bukidnon, ang Wildlife Resources Conservation and Protection Act  of 2001 o RA 9147 ay isa sa mga makabuluhang batas na pinagtibay ni Pangulong Gloria Macapagal Arroyo na ang layunin ay mapangalagaan ang katatagan ng lahi ng mga katutubong ibon at hayop sa mga kagubatan ng bansa. Ang batas ay nagbabawal din ng pagpapasok o pagpapakawala ng mga buhay ilang o wildlife na hindi likas sa pinangangalagaan kapaligiran upang mapangalagaan ang kadalisayan ng lahi ng mga katutubong ibon.

     Nakatadhana sa batas ang kapangyarihan ng hukuman na ilapat ang pagkabilanggong hindi hihigit sa 12 taon sa mga lalabag nito, at ang multa ay maaaring umabot sa P1—milyon batay sa antas ng nagawang paglabag, paalaala ni de Roma.
    Dito sa mga Lalawigan ng Laguna at Quezon, ang karaniwang hinuhuling ibon para kalakalin ay kulasisi. Naipapasok din dito ang mga ibong at natatanging hayop na huli sa mga islang lalawigan, kasama na ang mula sa Palawan.

     Paalaala ni de Roma maging ang mga pribadong mamamayan ay dapat makipagtulungan upang maayos na maipatupad ang mga tadhana ng Batas Republika Bilang 9147 sa pamamagitan ng pagpaparating sa pinakamalapit na tanggapan ng DENR, o sa mga estasyon ng pulisiya ng kanilang napapansing mga taong nangangalakal ng mga natatanging ibon, tulad ng mynah, loro, at mga hayop na hindi karaniwang nakikita sa pamilihan, sa ilalim ng kaisipang ang pangangalaga sa buhay-ilang o wildlife, ay pangangalaga ng kapaligiran upang matiyak ang katatagan nito sa mga taong hinaharap.

     Ipinagugunita rin sa lahat na ang tanggapan ng Department of Environment and Natural Resources-Region IV-A (CALABARZON) ay nasa DEMCRIS Business Center sa kahabaan ng national highway sa Barangay Halang, sa Calamba City. (Ruben E. Taningco)

Comments

Post a Comment

Popular posts from this blog

FELICISIMO T. SAN LUIS, ANG ALAMAT NG LAGUNA

Si Abogado Felicisimo Tobias San Luis, na isinilang noong Hunyo 23, 1919, at lumaki sa Bayan ng Santa Cruz, ay nanungkulang Punonglalawigan ng Laguna simula noong Disyembre 30, 1955 hanggang sa siya ay papagpamahingahin noong Disyembre 18, 1992, o siya ay tuloy-tuloy na nanungkulan sa loob ng 36 taon, 11 buwan, at 18 araw, na kinikilala ng kasaysayan na siya ang natatanging lider na nanungkulan bilang punong tagapagpaganap ng isang lalawigan sa Pilipinas sa ganoong kahabang panahon.      Isang mabuting mananalumpati, nang ibaba ni Pangulong Ferdinand E. Marcos ang Martial Law o ng ipatupad ang Presidential Proclamation No. 1081 noong 1972, sila ni Alkalde Cesar P. Dizon ng Lunsod ng San Pablo noon, ang inatasan ng Pangulo ng Bansa na maglibot sa mga lalawigan ng bansa upang ipaunawa sa mga pinunong lokal   ang kahulugan ng Martial Law bilang isang proseso upang maitatag ang Bagong Lipunan na inaasahang magbibigay-daan upang makamit ang pambansang kaunlarang pa...
2 comments
Read More

DOÑA LEONILA (MINI-FOREST) PARK

What is now known as Doña Leonila (Mini-Forest) Park overlooking the Sampaloc Lake is actually a portion of the site for the City Hall Complex purchased in 1937 by the Municipal Government of San Pablo headed by President Inocencio Barleta, which was partly developed after the termination of World War II under the administration of appointed City Mayor, Dr. Fernando A. Bautista. During the incumbency of elected Mayor Lauro D. Dizon Sr., with the help of the Rotary Club of San Pablo, and under the supervision of Dr. Juan B. Hernandez, then club secretary of the local Rotary Club and Chairman of the City Beautification Committee, constructed some park structures at the park, with the fountain featuring the country lass with agriculture harvest as centerpiece. Probably, Hernandez and then City Engineer Perfecto Reyes were inspired by the figures affixed on the façade of the City Hall Building which symbolizes progress. Sometimes on April of 1961 when then President Carlos Garcia made a...
Post a Comment
Read More

Profile of THE OUTSTANDING SAN PABLEÑOS 2011

By The Selection and Awards Committee In commemoration of the 71st Charter Anniversary of the City of San Pablo , Outstanding San Pableños have been chosen to represent what the city and its people are all about. The Outstanding San Pableños were chosen from nominees who are natural-born citizens of San Pablo or who have resided in the city for at least 20 years or naturalized citizens who have shown excellence in their professions and have contributed to the development of the country, the city, and their respective communities. 1. HEALTH SERVICES - DR. EMMANUEL DE VERATURDA LOYOLA , MD , FPSGS, FPCS             Dr. Eman Loyola is a native of Silang, Cavite who has migrated to San Pablo when he married Marylene Isip Azucena in 1990. He is a medical doctor by profession who graduated as Doctor of Medicine and Surgery at the University of the Philippines wherein he was recipient of the Dr. Jose Mascunana and Dr. Felipe Zamora...
Post a Comment
Read More