Skip to main content

Ellen Teodoro Reyes Para Bise-Gobernador

SAN PABLO CITY - May posibilidad na sa lunsod na ito manggaling ang susunod na Pangalawang Punonglalawigan o Vice Governor ng Laguna kung tuluyang tatanggapin ng isang city councilor ang alok ni Opposition Governatorial Aspirant at Pagsanjan Mayor Emilio Ramon P. Ejercito III na maging ka-tandem niya sa 2010 National and Local Elections.

Napag-alamang kasalukuyang komukunsulta na si Konsehala Ellen Teodoro Reyes sa kanyang mga taga-suporta, tulad ng grupo ng mga kababaihan, mga Non-Governmental Organizations, at People’s Organization, gayon din sa mga senior citizens, youth sector at mga loyalistang tagapagtaguyod upang makatulong sa gagawin niyang pagpapasya.

Isang lider sibiko, si Reyes na tagapagsulong ng mga adbokasiyang pangkababaihan bago nahimok na pumalaot sa politika kung saan ang mga makabuluhan niyang gawain ang tumayong matibay niyang sandigan upang mahalal na konsehal ng lunsod.

Bilang isang city councilor ay personal na pinamahalaan ni Reyes ang Women Center na gumagabay sa mga kababaihan at mga out of school youth. Siya ang gumaganap na executive director ng nabanggit na training and welfare center.

Ang naturang center ay nagbibigay ng pagsasanay at nagtuturo ng iba’t-ibang kursong bokasyonal sa mga nasa sektor ng kababaihan at kabataang hindi na nagsisipag-aral, na sa ngayon ay umabot na sa 8,000 ang mga nakapagtapos at natulungan magkaroon ng hanap-buhay. Dahil dito ay naging susi si Reyes sa pagkakatatag ng Gender and Development Center sa lunsod.

Ilang lider kababaihan ang nagsabi na muling naulit ang kasaysayan sa buhay ni Reyes bilang reluctant candidate, ang una ay ang paghimok na tumakbo siyang konsehal at ang kasalukuyang alok na pagkandidato bilang Bise-Gobernador, subalit kilala na anila si Ellen Teodoro Reyes na hindi marunong umurong at tumalikod sa malawak na responsibilidad.

Si Ellen Teodoro Reyes ay may PhD on Social Development mula sa isang kilalang unibersidad kung kaya’t sa kanyang mga adbokasiya ay higit niyang pinahahalagahan ang kapakanan ng tao mula sa kalusugan ng mga sanggol sa sinapupunan hanggang sa paghubog sa mga kabataan na maging mabuting mamamayan. Taglay ni Reyes ang katangiang dapat taglayin ng isang tagabalangkas ng batas at kapasiyahan, at karanasan bilang punong tagapagpaganap upang mapangasiwaan ang isang tanggapan ng isang tagapangulo ng kapulungan, o she possesses the right knowledge, skills, and experiences to lead and administer a lawmaking body. (SLPC/Sandy Belarmino)

Comments

Post a Comment

Popular posts from this blog

DOÑA LEONILA (MINI-FOREST) PARK

What is now known as Doña Leonila (Mini-Forest) Park overlooking the Sampaloc Lake is actually a portion of the site for the City Hall Complex purchased in 1937 by the Municipal Government of San Pablo headed by President Inocencio Barleta, which was partly developed after the termination of World War II under the administration of appointed City Mayor, Dr. Fernando A. Bautista. During the incumbency of elected Mayor Lauro D. Dizon Sr., with the help of the Rotary Club of San Pablo, and under the supervision of Dr. Juan B. Hernandez, then club secretary of the local Rotary Club and Chairman of the City Beautification Committee, constructed some park structures at the park, with the fountain featuring the country lass with agriculture harvest as centerpiece. Probably, Hernandez and then City Engineer Perfecto Reyes were inspired by the figures affixed on the façade of the City Hall Building which symbolizes progress. Sometimes on April of 1961 when then President Carlos Garcia made a
Post a Comment
Read More

FELICISIMO T. SAN LUIS, ANG ALAMAT NG LAGUNA

Si Abogado Felicisimo Tobias San Luis, na isinilang noong Hunyo 23, 1919, at lumaki sa Bayan ng Santa Cruz, ay nanungkulang Punonglalawigan ng Laguna simula noong Disyembre 30, 1955 hanggang sa siya ay papagpamahingahin noong Disyembre 18, 1992, o siya ay tuloy-tuloy na nanungkulan sa loob ng 36 taon, 11 buwan, at 18 araw, na kinikilala ng kasaysayan na siya ang natatanging lider na nanungkulan bilang punong tagapagpaganap ng isang lalawigan sa Pilipinas sa ganoong kahabang panahon.      Isang mabuting mananalumpati, nang ibaba ni Pangulong Ferdinand E. Marcos ang Martial Law o ng ipatupad ang Presidential Proclamation No. 1081 noong 1972, sila ni Alkalde Cesar P. Dizon ng Lunsod ng San Pablo noon, ang inatasan ng Pangulo ng Bansa na maglibot sa mga lalawigan ng bansa upang ipaunawa sa mga pinunong lokal   ang kahulugan ng Martial Law bilang isang proseso upang maitatag ang Bagong Lipunan na inaasahang magbibigay-daan upang makamit ang pambansang kaunlarang pangkabuhayan at umiral an
2 comments
Read More

BARBARA JEAN APOSTOL A San Pableña
Passed the BAR Examination in the State of New York, U. S. A.

Miss Philippines-USA 2004-2005, Barbara Jean Chumacera Apostol, 27, passed the New York State’s examination for admission to the BAR given on July 24-25, 2007 . She attained her law degree at Hofstra University School of Law in the State of New York where she graduated with honors last May 20, 2007 . At Hofstra Law School , Barbara was the Vice President of the Asian Pacific American Law Students Association and was appointed to the position of Diversity Affairs Coordinator by the president of the Student Bar Association. Ms. Apostol was a 2002 cum luade graduate of Boston College, one of the oldest Jesuit University in the United States with campus in Chestbut Hill, Massachusetts, where she majored in pre-law and communication studies. Incidentally, she completed her elementary and secondary education at Sachem High School in Lake Ronkonkoma, NY. Barbara Jean is a daughter of Antonio Apostol and former Abecinia “Baisy” Chumacera of Barangay San Francisco, San Pablo Ci
Post a Comment
Read More