May 12, 2010

San Pablo City 2010 Elected Officials

SAN PABLO CITY - Ang mga nagsipagwagi para sa mga tungkuling panglokal dito ay pormal na ipinoroklama noong Martes ng gabi matapos na ang kopya ng mga certificate of canvass ay matamo ang indikasyon na ito ay “successfully transmitted” sa mga kaukulang tanggapan o ahensya ng Commission on Elections, gaya ng itinatagubilin sa Manual of Procedures na sinusunod sa pagsasagawa ng canvassing of votes.

     Bahagyang nabalam ang paghahanda ng mga certificate of canvass dahilan sa 29 na yunit ng Precinct Count Optical Scan (PCOS) Machine ay hindi kaagad mabuksan, na kinakailangan pang ihatid sa Session Hall ng Sangguniang Panglunsod na pinagdarausan ng canvassing. Ang City Board of Canvasser ay binubuo nina Atty. Leah Angeli B. Vasquez-Abad ng COMELEC Law Department na gumanap na Chairman, City Prosecutor Dominador A. Leyros na gumanap na co-chairman, and City Schools Division Superintendent Enric T. Sanchez na gumanap member-secretary. Mga official watchers sina Atty. Esperidion Gajitos para sa LAKAS KAMPI CMD, Bb. Sharon Ilaw-Santonia para sa Nationalist Peoples Coalition, at G. Edwin E. Aguilon para sa Liberal Party.

     Ang naproklama ay sina Reelected Mayor Vicente B. Amante na nagtamo ng 62,248 boto; City Councilor Angelita L. Erasmo-Yang sa pagka-Vice Mayor na nagtamo ng 56,168 boto. Ang mga nahalal sa pagka-City Councilors ay sina (1) Angelo L. Adriano, 42,238 boto; (2) Dante B. Amante, 39,546 boto; (3) Richard C. Pavico, 39,337 boto; (4) Rondel A. Diaz, 35,933 boto; (5) Edgardo D. Adajar, 35,623 boto; (6) Eduardo O. Dizon, 34,931 boto; (7) Leopoldo M. Colago, 33,527 boto; (8) Arnel Cabrera Ticzon, 33,087 boto; (9) Enrico B. Galicia, 30,228 boto; at (10) Alejandro Y. Yu, 30,043 boto.

      Sila ay pormal na magsisimula sa kanilang bagong panunungkulan simula sa tanghaling tapat ng araw ng Miyerkoles, Hunyo 30, 2010, at magtatapos sa Hunyo 30, 2013. (Ruben E. Taningco)

CITY MAYOR VICENTE B. AMANTE, REELECTED FOR SIXTH TERM

Nagtamo ng kabuuang botong 62,248, o kalamangang 46,146 boto kay dating Board Member Arcadio Najie B. Gapangada na nakatipon lamang ng 16,102 boto, Fifth-termer City Mayor Vicente B. Amante ay ipinoroklamang nanalo sa ika-6 na pagkakataon sa pagka-Alkalde ng Lunsod ng San Pablo nina Atty. Leah Angeli B. Vasquez-Abad ng COMELEC Law Department na umaktong Chairman of the City Board of Canvasser, at dating City Prosecutor Esperidion Gajitos na kumakatawan sa LAKAS KAMPI CMD. Noong 2007 Local Elections, si Alkalde Amante ay nagtamo ng kabuuang 59,228 boto. (Ruben E. Taningco)

Vice Mayor-Elect Angelita E. Yang

Having had garnered a total of 56,168 votes, or a margin of 21,984 votes over the total votes garnered by Re-electionist Vice Mayor Frederick Martin Ambray Ilagan, incumbent City Councilor Angelita L. Erasmo-Yang was proclaimed winner in the vice mayoral race in the City of San Pablo last Tuesday evening, May 11, 2010 by City Prosecutor Dominador A. Leyros (left), vice chairman of the City Board of Canvasser,  and OIC-City Election Officer Patrick Arbilo.  (Ruben E. Taningco)

Sign Up Now!!!!

Sign up for PayPal and start accepting credit card payments instantly.

Disqus for Balitang San Pablo : Online