September 18, 2010

BAGONG SCHEDULE NG LIBRENG BUNOT NG CITY HEALTH OFFICE SIMULA SETYEMBRE 1

San Pablo City- Naglabas ng bagong schedule ng libreng bunot ang City Health Extension Office para sa kanilang siyam (9) na health centers sa iba’t-ibang barangay.

Simula Sept. 1, 2010 ang libreng bunot sa Bagong Pook Main Health Center ay tuwing Monday  at Tuesday (maliban sa 4th Tues. ) kung saan sina  Dra. Gilda Valena at Dra. Nemia Bundalian ang naka-assign na mga dentista.  Sa Concepcion MHC naman ay tuwing Tuesday at Thursday (maliban sa 3rd Thurs.) at naka-assign na dentist ay si Dra. Blesilda Reyes.

Sa 3 health centers naman kung saan naka-assign si Dra. Laureana Lacanilao ay Tuesday sa Del Remedio; Monday sa San Nicolas at 1st/4th Thursday sa San Roque. Libreng bunot rin tuwing Monday sa San Antonio I at Tuesday sa Sta. Maria Health Centers kung saan assign si Dra. Miriam Palomar. Tuwing Monday naman sa CHO Extension at Thursday  sa Sto. Cristo kung saan assign si Dr. Jhun Ian Vidal.

Hindi lamang libreng dental services ang ibinibigay sa mga health centers na ito kundi maging lahat ng gamot na kakailanganin tulad ng anesthesia, antibiotic, pain reliever at iba pa. (CIO-SPC)

150-180 PASYENTE ANG NABIBIGYAN NG FREE MEDICAL SERVICES ARAW-ARAW NG CITY HEALTH EXTENSION

San Pablo City- Humigit kumulang sa 150 hanggang 180 pasyente sa Lunsod ng San Pablo ang nabibigyan ng libreng medical services araw-araw mula sa bagong City Health Extension Office sa Brgy. San Jose.

Mayroong 3 doktor, 2 nurse, 1 casual at mga registered nurse volunteers mula LC at SPC ang mga nangangasiwa sa araw-araw na serbisyong medikal kung saan hindi lamang libreng medical check-up ang ibinibigay kundi maging libreng gamot.

Sina Dra. Nida Glorioso, Asst. City Health Officer, Dr. Eduardo Quiambao at Dra. Ruth Belulia ang mga naka-assign na doctor na tumitingin sa lahat ng pasyente mula 8:00 n.u. hanggang 5:00 n.h.

Isinasaayos naman nina Nurse Coordinators Ofelia Tan at Amihan Bondad ang pila ng pasyente at upang maging maayos ang proseso ay nagbibigay sila ng card number sa lahat ng pasyente.

Mayroon din silang “Fast Lane” kung saan inuuna muna ang lahat ng senior citizens, day old babies at mga critical cases tulad ng mga nahihirapang huminga at may mataas na presyon.

Ang Extension Office ay nagbibigay rin ng mga medical certificates, medico-legal, at libreng papsmear. (CIO-SPC)

San Pablo City Medicine Week


Malugod na nakikiisa ang Pamahalaang Lunsod ng San Pablo sa pangunguna ni City Administrator Loreto S. Amante (ika-3 mula sa kaliwa) sa pagdiriwang ng Medicine Week 2010 sa pagtataguyod ng San Pablo City Medical Society sa pamumuno ng kanilang Pangulo na si Dra. Marisonia S. Belen-Tan (ika-4 mula sa kaliwa). Nakiisa rin sa pagdiriwang sina Kon. Angelo L.  Adriano at Kon. Arnel C.Ticzon  at iba pang miyembro ng lipunan ng mga manggagamot sa lunsod (CIO-SPC/Gem Ciolo)

J/SINSP ARVIN T. ABASTILLAS NANGUNA SA PAGLILINIS SA DISTRICT JAIL

SAN PABLO CITY - Pinangunahan ni Jail Senior Inspector Arvin T. Abastillas ang clean-up drive pinangangasiwaan niyang San Pablo City District Jail nuong nakaraang Setyembre 11, 2010. Katulong niya si Jail Senior Inspector Adelaida Taburada at iba pang jail officers sa isinagawang paglilinis at pagsasaaayos ng mga selda sa piitan. 

     Ayon kay District Jail Warden Arvin T.Abastilaas regular nilang isinasagawa ang ganitong general cleaning upang mapanatili ang “good hygiene” and “healthy living” ng lahat ng inmates samantalang sila ay nasa pangangalaga ng bilangguan. 

      Bilang bahagi ng palatuntunang pangkalusugan, ang mga inmates ay sumailalim ng pagsusuri at gamutan sa tulong ng mga miyembro ng San Pablo City Medical Society sa pangungulo ni Dra. Marisonia S. Belen-Tan, kasama sina Past President Dra. Cynthia Sanchez na isang espesyalista sa diabetes, at  Dra. Veney Manalo na isang kilalang manggagamot sa mga sakit sa puso. 

      Samantalang nililinis ang mga selda sa groundfloor ng main building, ang mga inmates ay pinaliwanagan para maayos nilang masubaybayan at mapangalagaan ang kanilang sariling kalusugan, at paglabas nila ay ng kanilang mga kasambahay, 

      Napag-alamang ang mga ganitong libreng serbisyo ng mga manggagamot ay sa pakikipagtulungan at koordinasyon ng Volunteers in Prison Service (VIPS) na pinangungunahan ni Sister Lutgarda Alvero, na naaayon sa layunin ni Director Rosendo Dial ng Bureau of Jail Management and Penology na maitaas ang kagalingan at kaunlaran ng mga napipiit sa bilangguan. May ipinatutupad din silang palatuntunan para sa kalinisang pang-ispiritwal ng mga napipiit sa tulong ng mga simbahang Cristiano na may kongregasyon sa lunsod na ito. (CIO/San Pablo City)

MOBILE PASSPORTING SERVICE SA NOBYEMBRE 20

     Sa pakikipag-ugnayan sa Consular Office para sa Katimugang Tagalog ng Department of Foreign Affairs, ang Tanggapan ni Congresswoman Ma. Evita R. Arago ay magtataguyod ng mobile passporting  sa darating na Nobyembre 20, 2010, araw ng Sabado, na gaganapin sa Siesta Residencia de Arago sa Green Valley Subdivision sa Barangay San Francisco, simula sa ika-8:00 ng umaga hanggang ika-3:00 ng hapon.

     Ang halaga ng passport na ito, na iyong may uring “Machine Readable” ay P1,200, at ang pangunahing pangangailangan ay ang mga sumusunod: birth certificate na authenticated ng National Statistics Office; 2 valid identification card; at kung babaeng may-asawa ay authenticated marriage certificate.

     Dahil sa prosesong ipinaiiral ngayon, ang tatanggapin lamang ay ang unang 500 passport applications.

     Para sa kaayusan, ang passport application ay dapat na ipagkatiwala sa passport coordinator, na dito ay sa Tanggapan ni Congresswoman Ivy Arago,  nang hindi kukulangin sa dalawang linggo (o 15 araw) bago ang nakatakdang Mobile Passport Service; upang sila ay mapayuhan sa tamang oras na sila ay haharapin ng mga Mobile Passport Service official.

     Ang passport applicant ay dapat na personal na magsasadya sa Mobile Passport Service, liban na lamang ng mga batang wala pang walong (8) taong gulang, o matandang mahigit na sa 65 taong gulang.

     Sa Mobile Passport Service ay hindi tinatanggap ang kahilingan para palitan ang nawawalang valid passport; pero tatanggapin ang kahilingan para palitang ang nawawalang paso ng passport  o “lost expired passports.”

     Para sa karagdagang kabatiran na may kaugnayan sa paghiling ng passport, ay maaaring tawagan si  Bb. Len Baral sa cellphone number 0917-500 7707 o si Bb. Rowena Flores sa cellphone number 0919-651 8369. (CIO/Jonathan S. Aningalan) 

SM Plaza to SM City and Vice Versa


The original  “SM”  San Pableño knew stands proudly at the center of the city, that for almost three decades serve as a landmark for rendezvous due its prime location, not to mention the refreshing mists it gives whenever you are accommodated to its limited space where seats provided by the Rotary Club of San Pablo City  are on first come, first serve basis.

    Not necessarily from hallucinations but longings to having an SM mall that residents of the city created their world of make believe since the rise of SM North Edsa, San Pableños then fantasized to have their own.

    World of mouth advertising proved effective as the whole populace submitted to the reality of having SM that never was. Even travelers subscribe to the idea of new found language that everybody from FX, tricycle, jeepney, or bus drivers, whenever they reach it. “Oh, sm na po!” (Referring to half a century old mango tree)

     Yes, “sa mangga” colloquially abbreviated to sm will forever be part of San Pableños’  life, that even from that instance is an honor of having it, the first outside Metro Manila.
           
     The question is, will it be able to endure now that SM City San Pablo so long envisioned is within reach with its wonderful edifice clearly revealing a reality from mere imaginations?

     Well, only the future can tell but what is that both can co-exist with each other in the hearts of every San Pableño. Sa Mangga (sm plaza) an abstract from a dream, and SM City San Pablo, its successful realization.

    As early as the groundbreaking for SM City San Pablo, many enterprising businessmen are already contemplating to operate multi-cab transport system to service the daily shoppers at the said mall.  Again, a question lingers, would LTFRB grant a line franchise for its route “SM Plaza to SM City and Vice Versa”?

     Should they succeed,  both no doubt will endure with the mango tree (sa mangga sa plasa) that once symbolized a dream as pick-up point and SM City (sa San Rafael)  the destination for wonderful leisure, fine dining and exciting shopping.(SEVEN LAKES PRESS CORPS)

LAGUNA-PPO EXCELLENT ANG RATING AYON KAY P/SUPT. ADRIATICO B. DEL CAMAT, JR.

San Pablo City – Excellent ang ibinigay na rating ni P/Supt. Adriatico B. del Camat, Jr., Representative mula Camp Crame ni Chief PNP Jesus Versoza, sa isinagawang inspection sa Lunsod ng San Pablo nuong Setyembre 8 sa PAMANA Hall. Dumalo sa nasabing inspection ang mga kapulisan mula San Pablo City, Rizal, Alaminos at Laguna Mobile Group.

            Binigyang diin ni P/Supt. Del Camat, Jr. sa mga kasamahan sa pagseserbisyo na  ang pagiging Pulis ay isang karera na puno ng sorpresa, pagkabigo at tagumpay. Hindi rin  pinag-uusapan sa larangang kanilang kinaaaniban ang ranggo, dami ng karangalang natamo at maging tagal sa paglilingkuran, mas mahalaga diumano ang sinseridad sa pagtulong at paglilingkod. Hiniram pa nito ang mga salitang minsan ay sinabi ni Pangulong Benigno “Noynoy” Aquino, Jr. na “ang taumbayan ang kanilang boss”.

            Sa kabila ng mga tinatamasang batikos ng PNP sa ngayon ay nagawa pa ring itaas ni P/Supt. Del Camat, Jr. ang moral ng mga dumalong pulis. Sa pagsasabing malakas ang kumpiyansa nito na handa ang mga miyembro ng Laguna-PPO na magbigay ng isang matuwid na pagseserbisyo publiko sa anumang kondisyon. Taas noo rin nitong sinabi at ipinangakong ipararating sa Camp Crame  na kayang itayo ng Laguna PPO ang magandang pangalan ng PNP sa anumang sitwasyon. Hinimok rin nito ang mga kasamahan na matutong pahalagahan ang mga sakripisyo ng buong komunidad sapagkat naniniwala itong ang komunidad ay ang kanilang sandalan at katuwang tungo sa isang mas matahimik na pamayanan.

            Bago pa man matapos ang kanyang mensahe ay hindi  naman nito nalimutang papurihan sina P/Insp. Rolando Libed na tinagurian nitong isa sa kanyang “finest student”  sa kanyang isinagawang Barangay Peacekeeping Action Team Seminar (BPATS) . Sinabi rin nito na mapalad ang San Pablo Police Station sapagkat bahagi ng naturang istasyon si Chief of Investigation Section Gerry Sangalang sa kahandaang ipinamamalas nito sa anumang sitwasyon. Ang dalawa ay parehong kabilang sa SPC Police Station na pinamumunuan naman ni P/Supt. Ferdinand de Castro. (CIO-San Pablo)  

FUTURE SOCCER PLAYERS


Ang mga batang lalaking sa Alaminos Central School sa ilalim ng pangangasiwa ng gurong si Lester Caraan ay sinisimulan ng kintalan ng mga pangunahing kamalayan sa paglalaro ng soccer, isang uri ng larong kabilang sa kategoriyang football na pinaniniwalaang isang uri ng larong sinimulang maging popular sa Matandang Gresya at Roma, na pinauunlad ang kaisipan ng mga kabataan upang maging magigilas sa pagkilos at tinataglay ang kaasalan ng mga maginoo sa pakikitungo sa kanilang kapuwa. Ang Alaminos Central School ay nasa ilalim ng pangangasiwa ni Punong Guro Teofila S. Monzones. (Ruben E. Taningco)

NAMUMUKOD TANGING HIMPILAN


Sa isinagawang Annual General Inspection nina P/Supt. Adriatico B. Del Camat Jr. (ika-4 mula sa kaliwa sa unang hanay) sa San Pablo City Police Station sa pangangasiwa ni Chief of Police  Ferdinand DG de Castro ay kanyang pinahalagahan na napapanatili ng himpilan ang tamang kaayusan, hindi lamang sa mga aspetong pisikal, kundi maging ang magandang pakikitungo sa lipunang kanilang pinaglilingkuran, kaya kanyang pinayuhang huwag panghihinaan ng loob kung ano mang negatibong isyu laban sa organisasyon na nakakarating sa kanilang kaalaman, sapagka’t ang kapintasan at kahinaan ng ilan ay hindi naman makapapangibabaw sa kabutihan at kalakasan ng kabuuan. (Ruben E. Taningco)

TANGGAPAN NG GOBERNADOR


Simula nang si Gobernador Jeorge “ER” Ejercito Estregan ay manungkulan, ang Tanggapan ng Punonglalawigan ay pansamantalang inilipat sa dating FAITH Building, samantalang ang orihinal ng tanggapan para sa pununglalawigan sa Matandang Gusaling Pampangasiwaan ng Lalawigan ng Laguna na natayo noon 1917 ay isinasaayos upang doon mabalik bilang pagsasaalang-alang sa kahalagahang pangkasaysayan at pangkultura ng nabanggit na edipisyo. Ang harapan ng pansamantalang tanggapan na ang kaayusan ay kinikilalang “visitor’s friendly,” ay pinagaganda sa pamamagitan ng paglalagay ng hardin na may fountain na magiging simbolo ng Bagong Laguna.” (Ruben E. Taningco)

KONSTRUKSYON, DINADALAW NI GOB. ER


     SANTA CRUZ, Laguna -  Naniniwalang ang pagpapaunlad ng mga kagamitan ng mga paaralang publiko ay bahagi ng matatag na pundasyon ng tulay tungo sa kaunlaran ng lalawigan, at pagtataas sa antas ng pamumuhay ng mga mamamayan,  ang pagpapaunald ng mga gusaling pampaaralan ay bahagi ng “Agendang Kinse Kumpletos Serbisyo Kontra Kahirapan at Gutom” ni Gobernador Jeorge “ER” Ejercito Estregan.

     Tulad noong mga panahong siya ay punumbayan ng Pagsanjan ay naging ugali na ni Gob. Estregan na dalawin ang mga pagawain, na walang pagtatangi kung ito ay pinapunduhan ng pangasiwaang panglalawigan o nasyonal, sapagkat nais niyang matiyak na  nasusunod ang mga napagtibay na “design and specifications”  hindi lamang para mapangalagaan ang pondo ng bayan, kundi para matiyak ang kapanatagan at kaligtasan ng mga gagamit ng gusali.

     Sa kasalukuyan, ang pangasiwaang panglalawigan ay nagpapatayo ng isang multi-storey building sa dakong likuran ng capitol compound dito na hiniling ng Panglalawigang Sangay ng Department of Education, at kasama si Provincial Engineer  Gerry Mondez ay lagi niyang dinadalaw ito, lalo na at ito ay hindi kalayuan sa kanyang pansamantalang tanggapan sa FAITH Building.     
                                                     
      Naniniwalang walang pamayanang umunlad na hindi pinagyayaman ang kanyang kasaysayan, sining, at kultura, napag-alaman mula kay Gobernador Estregan na magsasagawa ng “restoration works” sa Old Capitol Building na desinyo ng Division of Architecture ng dating Bureau of Public Works noong Commonwealth Era na natayo noong 1917, na doon ibabalik ang Tanggapan ng Punonglalawigan.

     Ayon kay Gobernador ER, ang “Matandang Kapitolyo” ay simbolo ng katatagan ng mga Lagunense upang mapagtagumpayan ang nakakaharap na ano mang pagsubok, sapagka’t sapagka’t sa kabila ng mga nadamang paglindol sa lalawigan, kasama na ang nagdaang Ikalawang Digmaang Pandaigdig, ang gusali ay nanatiling maganda at matatag, at walang tinamong kasiraan.

Nauna rito, ay  kasalukuyang  isinasaayos ang mga memorial bust  sa alaala ng mga namayapa ng naging punonglalawigan ng Laguna simula noong Panahon ng Komonwelt hanggang kay Gobernador Felicisimo T. San Luis.

     Gayon pa man, ang larawan nina Gobernador Restituto Luna, Jose D. Lina Jr., at Teresita S. Lazaro ay kasama na sa 16 na larawan ng mga naging punonglalawigan sa kanyang Governor’s Conference Room kung saan sinasabi Gobernador Estregan na “Sila ang mga lider sa kanilang tamang panahon, na iniidolo ko at ang kanilang alaala ay gumagabay sa aking pangasiwaan.” (RET)

18,000 BD. FT. NA COCO LUMBER, KUMPISKADO

SANTA  CRUZ, Laguna -  Umabot sa  kabuuang 18,000 board feet ng coco lumber na nakalulan sa tatlong sasakyan, na tinatayang nagkakahalaga ng P0.5-milyon na ibinibiyahe ng walang sapat na kapahintulutan mula sa Philippine Coconut Authority (PCA) ang nasabat ng Philippine National Police sa Biñan at San Pablo City kamakailan, at ang nabanggit na kconstruction materials na nakakarga sa isang  Isuzu Truck at dalawang van ay naka-impound sa kampo o headquarters ng Laguna Provincial Police Office dito.

     Iniulat ni Provincial Police Director  Sr. Supt. Gilberto DC Cruz na ang pagkasabaqt sa mga kahoy ay bunga ng pagmamanman ng  Intelligence Unit na pinangangasiwaan ni P/Supt. Florendo Saligao, at bahagi ng malawakang kampanya ni Gob. Jeorge “ER” Ejercito Estregan na mapangalagaan ang industriya ng niyog sa lalawigan, na maiuugnay din sa mga isinasagawang pangangalaga upang huwag makalbo ang kapaligiran, na itinataguyod rin ng pangasiwaan ng Philippine National Police. 

     Sa ulat ni Cruz sa punonglalawigan, apat n(4) na katao, na hindi muna ipinagkaloob sa media ang mga pangalan, ang ipinagharap na ng sakdal sa hukuman. At hanggat hindi napagpapasiyahan ng hukuman ang usapin ay mananatiling ang mga sasakyan ay naka-impound sa PNP Compound, samantala ang mga coco lumber ay maaaring ipagkaloob sa mga paggawain ng pamahalaan, tulad ng pagsasaayos ng mga gusaling pampaaralan, at proyektong ipinatutupad ng Provincial Social Welfare and Development Office. (Vic A. Pambuan)      

Sign Up Now!!!!

Sign up for PayPal and start accepting credit card payments instantly.

Disqus for Balitang San Pablo : Online