Skip to main content

Posts

Showing posts from July 29, 2007

KAMPANYA KONTRA BRONTISPA, TULOY-NA-TULOY

ALAMINOS, Laguna - Ang Operation Sagip Niyog o ang malawakang kampanya upang masugpo ang paglaganap ng coconut leaf beetle (Brontispa Longissima) dito sa Laguna sa koordinasyon ng Laguna Provincial Coconut Development Office ng Philippine Coconut Authority (PCA) ay tuloy-na-tuloy, at isinasagawqang may pakikipag-ugnayan sa mga Liga ng mga Barangay sa lahat ng mga coconut producing communities sa lalawigan, na sinusuportahan din ng Regional Crop Protection Center ng Department of Agriculture na naka-base sa Los Baños, sang-ayon kay Provincial Coconut Development Manager Lanie M. Lapitan na ang punong tanggapan ay nasa bayang ito. Ikinatutuwa ni Bb. Lapitan na maraming mga pinunong lokal, at propetaryo ng mga pataniman ng niyog dito sa sakop ng 3rd and 4th Congrossional District ang ganap na nakikiisa sa ikapagtatagumpay ng kampanya, sa pamamagitan ng pagkakaloob sa kanilang ng tama at makabuluhang feedback ukol sa kalalagayan ng peste sa kani-kanilang lugar, sapagka’t ito

PAGTATANIM NG GULAY, MAY POTENSYAL – APOSTOL

ALAMINOS, Laguna - Sa pakikipagtulungan ng Municipal Agriculture and Fisheries Council (MAFC), iniulat ni Municipal Agriculture Officer (MAO) Gladys D. Apostol dito na pag-alinsunod sa nagkakaisang tagubilin nina Gobernadora Teresita S. Lazaro at Alkalde Eladio M. Magampon, ang kanyang tanggapan ay naglunsad ng isang malawakang palatuntunan sa pagtatanim ng gulay, una ay upang matugunan ang pangangailangang pangnutrisyon sa bawa’t tahanan, at kung ang nagtatanim ay magkaroon na ng sapat na karanasan at kamalayan sa paghahalaman, ay mapagkukunan pa ito ng karagdagang kita na mitutustos sa iba pang pangangailangan ng pamilya. Tinitiyak ni Gng. Gladys Apostol na malaki ang potensyal ng pagtatanim ng iba’t ibang gulay bilang paraan ng paghahanapbuhay. Dahil sa maraming pamayanang dating pataniman ng gulay, ang ngayon ay nasakop ng mga industrial zone o naging tayuan ng mga malalaking pabrika o bahay-kalakal. Ito ay nagpababa sa antas ng produksyon ng pagkain dito sa mga Lalawigan

MAMAMAYAN ATING INGATAN – ILAGAN

Pag-alinsunod sa Palatuntunang Mamamayan Ating Ingatan na inilunsad noong magtatapos ang Taong 2004 bilang isang konsehal na bumalangkas ng palatuntunan sa paghahatid ng mga tulong na panglipunan sa mga mamamayan, nabanggit ni Vice Mayor Frederick Martin A. Ilagan, na ang mga mamamayang ay patuloy na paglilingkuran ng kanyang tanggapan o ng Office of the Vice Mayor sa abot ng kaniyang kakayanan, at ang lahat ay kanyang hinihikayat na makipag-ugnayan sa kaniyang tanggapan upang ilahad ang kanilang pangangailangan, bagama’t tinatanggap niyang hindi niya maipagkakaloob ang lahat ng mga magiging pangangailangan ng mga lumalapit na mamamayan, subali’t nabanggit niyang may mga pamamaraan upang ang kanyang tanggapan ay makapagkaloob o makapagpaabot ng mga paglilingkod at pagtangkilik na panglipunan. Kaugnay ng malawakang kampanya na inilunsad nila ni Alkalde Vicente B. Amante laban sa Dengue Fever, nabanggit ni Vice Mayor Martin Ilagan na dapat ay naaayon sa rekomendasyon ni Dr. Job Br

RADYO DZEC (1062 KHZ), HUWARAN SA PAG-UULAT

Bilang tagapangulo ng Committee on Women and Family Relations, nagpapaalaala si Senior Board Member Karen C. Agapay sa mga magulang, lalo na sa mga ina ng tahanan, na ugaliin ang pakikinig sa Himpilang DZEC (1062 Khz) ng Eagle Broadcasting Corporation dahilan sa dito ay laging tinatalakay ang mga pamamaraan o ang mga pagpapayo para sa ikatatatag ng bawa’t sambahayan. Sumasaihimpapawid mula sa ika-4:00 ng umaga hanggang sa ika-12:00 ng hatinggabi, dito ay karaniwan ding nagpaparinig ng mga pagpapayong pangkalusugan, at mga paalaala tungo sa ikapagkakaroon ng karagdagang mapagkakakitaan ng isang sambahayan, mga pagpapayong angkop-na-angkop para sa kalalagayan ng mga sambahayan sa mga kanayunan dito sa Lalawigan ng Laguna, at maging sa maraming bahagi ng mga Lalawigan ng Quezon at Batangas, kung saan malakas ang signal ng nabanggit na himpilan. Isa namang may mataas na tungkulin sa Philippine Information Agency (PIA) na nakatalaga rito sa Katimugang Tagalog ang nagsabing ang

DUGO KO, BUHAY MO.

Bilang pagkilala sa patuluyang pagsuporta ng 202nd Infantry Brigade ng Philippine Army sa Blood Banking Service ng San Pablo City Red Cross Chapter, sa pakikipagtulungan ng San Pablo City (Host) Lions Club, pinagkalooban ng gawad ng pagpapahalaga at pagkilala ang brigada ng lokal na pamunuan ng Philippine National Red Cross. Nasa larawan si Col. Jorge Valbuena Segovia, commanding officer, nang tanggapin ang gawad mula kina Chapter Chairman Palermo A. Bañagale, Chapter Administrator Dorie P. Cabela, at Club President Romy Awayan sa isang palatuntunang ginanap sa San Pablo City Shopping Mall noong nakaraang Sabado. (CIO Photo)

Apex Club donates chairs to San Rafael Elementary School Unit

The Apex Club of San Pablo City led by Club President Rommel Austria, and accompanied by National President Raymund Ciceron, donated 50 pieces of chairs to the Joel Town Elementary School, a unit of the Division of San Pablo City at Barangay San Rafael, last Friday, July 27, 2007. The chairs were officially received by school principal May Coreen Borja, were sreceived by the local Apex Club from the International Bazaar Foundation headed by Mrs. Lovely Romulo, wife of Foreign Affairs Secretary Alberto Romulo, through the coordination of Apexian Soc Biscocho. In 2006, volunteers from Apex San Pablo and various Apex Clubs from Tasmania, Australia constructed a classroom building at Joel Town. The chair donation completes the final phase of Apex support to the school. President Austria said that his club is planning to build another school building in San Pablo City through the traditional bayanihan custom of helping people and communities in need. Apex is a men’s organization between the

SAN MIGUEL BEER, 117 TAON NA

Ang San Miguel Beer na bahagi na ng kultura at pagpapahalaga ng mga Pilipino, ay ganap ng 117 taon na pinoproseso sa Pilipinas at ipinamamahagi sa pamilihang lokal sa darating na Setyembre 29, 2007, o kung hihiramin ang paglalarawan ni Pangalawang Pangulong Sandy Belarmino ng Seven Lakes Press Corps ay “labingdalawang dekada nang pampasigla sa mga Pilipino.” Sang-ayon kay Advocacy Officer Mac C. Dormiendo ng San Miguel Corporation, ang orihinal na cerveza ay sinimulang iproseso sa isang maliit na paggawaan sa Distrito ng San Miguel sa Maynila, sa isang loteng halos ay kabalantay ng loteng kinatatayuan ng Palasyo ng Malacañang, simula noong Setyembre 29, 1890, at dito nagsimula ang paglikha pa ng maraming uri ng naging popular o palasak na inuming may alkohol na nakatutugon sa panglasang Pilipino, at napapanatili ang liderato ng korporasyong nangangasiwa sa paggawaan sa larangan ng industriya ng inumin, hindi lamang dito sa Pilipinas, kundi sa buong daigdig. Sa isang nalat

San Pablo City Laguna History