April 8, 2010

WATER-COURAGE Laguna Chapter

Matapang na isiniwalat ng militanteng grupo ng Water System Employees’ Response (WATER) at Confederation for Unity, Recognition and Advancement of Government Employees (COURAGE) – Laguna Chapter ang umano’y lantad na katiwaliang nagaganap sa loob ng ahensiya ng Pagsanjan Water District (PAGWAD).  Ayon sa nasabing grupo, makailang ulit nang ginamit ng General Manager (GM) ng PAGWAD ang posisyon nito sa paglulustay ng pondo ng water district.  Halimbawa umano dito ay ang garapal na pagnanakaw ng gasolina mula sa ahensiya para sa personal na sasakyan ng GM, kasabwat ang umano’y ilang taksil na kawaning alipores nito.  Inihayag din ng WATER-COURAGE sa mga concessionaire (tagatangkilik) ng PAGWAD ang umano’y pagbibigay-pabor ng GM sa ilang mga nasa posisyon sa gobyerno at eletista sa bayan ng Pagsanjan.  Habang mahigpit namang ipinatutupad ang patakaran sa maliliit at mahihirap na concessionaire.  May ilang umano’y mayaman at pulitikong nakaupo sa pamahalaang bayan ng Pagsanjan na matagal nang may daanlibong pisong utang sa PAGWAD na hindi nagbabayad ngunit hindi pinapuputulan ng serbisyong patubig ng GM.

Ayon pa sa WATER-COURAGE, patuloy rin umano’ng niyuyurakan ng GM ng PAGWAD ang mga batayang karapatan ng mga kawani dito.  Bihasa umano, ayon sa nasabing grupo, ang GM sa panggigipit at pandarahas sa hanay ng mga kawaning nagsisiwalat ng kaniyang katiwalian.  Binigyang-diin ng grupo na ang pwersahang panggigipit at pagpapahirap ng GM sa mga kawani gaya na lamang ng pagpapalipat-lipat (reassignment) sa mga ito sa iba’t-ibang dibisyon sa ahensiya ay malinaw na anyo ng “constructive dismissal” kung saan ito’y labag sa batas ng Civil Service Commission (CSC).  Kamakailan lamang umano ay ‘di makatarungang kinasuhan at agad na sinuspinde (preventive suspension) ng GM ang isang kawani ng PAGWAD dahil lamang sa katapatan nito sa trabaho at serbisyo.---“Paraan ito ng mga abusadong naghahari sa mga ahensiya ng gobyerno na ayaw mapansin ang kanilang mga kabulukan at tiwaling gawain”, ayon sa grupo.  Sinabi rin ng militanteng grupo na sa pamamagitan umano ng pagiging mapanupil ng GM ng PAGWAD, ay pinipilit nitong gumawa ng paraang labag sa batas para lamang wasakin ang PAGWAD Employees Union (PAGWADEU).  Sa esensiya, anila, ang mga gawaing ito ng GM ay “Union Busting”.  Sino nga ba ang GM na ito?---“Siya lang naman ang tumatayong Bosing ng PAGWAD na pangunahing lumalabag (violator) sa iba’t-ibang patakaran at batas panggobyerno partikular sa patakaran ng CSC”.  Pahayag ng militanteng grupo.

Hayagan ding sinabi ng WATER-COURAGE ang umano’y paglabag ng GM sa bagong umento sa sahod sa ilalim ng Salary Standardization Law III (SSL 3).  Anila, ang magaling na GM ay abusadong kumukulekta ng sweldo nito na higit na mas mataas sa itinatakda ng nasabing SSL 3.  Nilalabag din umano ni GM ang tamang proseso sa paghirang at promosyon ng mga kawani ng PAGWAD.  Sa katunayan, anila, hinirang at ginawang permanente ang isang halal na opisyal ng barangay kung saan ito’y nakapaloob sa kasong inihain sa Office of the Ombudsman (Case No. OMB-L-A-08-0104-B).  Patuloy umanong nagpapasok at naghihirang ng maaasahang alipores si GM sa PAGWAD.  “Abusado talaga ang magaling na GM sapagka’t maging ang ‘election ban’


ay kaniya ring nilabag dahil sa reassignment na ginawa nito sa ibang kawani habang umiiral ang nasabing ‘ban’”.  Pahayag ng grupo.

Samantala, sa kabila ng utos ng Korte Suprema sa mga ahensiya ng gobyerno na ibigay ang Cost of Living Allowance (COLA) back pay ng mga kawani, ayon sa militanteng grupo ay wala pa ring pagsunod na ginagawa ang GM ng PAGWAD dahil siya umano’y hindi makikinabang sa benepisyong ito.  Bingi rin at binabalewala umano ni GM ang panukalang Collective Negotiation Agreement (CNA) na isinumite ng PAGWADEU sa management ng PAGWAD noon pang Oktubre 26, 2009.  Ang CNA ay naglalaman ng kasunduan para sa ilang dagdag na benepisyo (economic and political rights) na pinapayagan ng batas sa ilalim ng Executive Order No. 180, s. 1987 o ang tinatawag na Public Sector Unionism.

Matatandaan naman na noong Oktubre 2009 ay niragasa at sinalanta ng bagyong Santi ang bayan ng Pagsanjan at isa sa partikular na sinalanta nito ay ang PAGWAD.  Sabi ng militanteng grupo, matapos ang pananalanta ng bagyo, ang GM umano ng PAGWAD ay nagbawal sa mga kawani na magfile ng leave of absence habang siya mismo kasama umano ang Board of Directors ay nagpapasarap sa Convention sa mamahaling hotel suot ang mamahaling Barong Tagalog na binayaran mismo ng PAGWAD.

Ayon sa militanteng grupo, patikim pa lang ang mga isiniwalat nilang ito kaugnay ng katiwalian sa loob mismo ng PAGWAD at pag-abuso sa kapangyarihan ng kanilang General Manager.  Anila, hindi sila titigil at matatakot na magsiwalat ng mga kabulukang  kinasasangkutan ng mga tiwaling opisyal ng nasabing ahensiya.

Panawagan ng militanteng grupo ang mga sumusunod:

  • Sama-sama nating tuldukan ang pamamayagpag sa poder ni GM!
  • Papanagutin sa kasalanan ang abusadong tagapamahala!
  • Isiwalat, labanan ang katiwalian sa loob ng PAGWAD!
  • Ipagtanggol ang mga tapat na kawaning ginigipit ni GM!
  • COLA back pay, ibigay, ngayon na!
  • CNA talakayin, pagtibayin!
  • Ibigay ang patas at tapat na serbisyo sa mga tagatangkilik ng PAGWAD!



Tanong sa mga Board at management ng SPC Water District:

1. kaninong interest po ba ang pinoprotektahan nyo, ang interest nyo o ng taumbayan?

2. Legal ba ang kontrata ng Bulk Water? Bakit hanggang ngayon ay "conditional acceptance" pa rin ay proyekto? Kung walang anomalya, dapat ay may final acceptance na ng project ang SPCWD.

3. Tutoo ba na personal na sinadya ni Mayor Amante si Chairman Butch Pichay ng Local Water Utilities Administration (LWUA) para hilingin na palitan si LWUA 6th member of the Board of Directors Engr. Josephine Miravalles? Bakit papalitan kung OK naman ang ginagawa? Dahil ba sa kontra si Engr. Miravalles sa Bulk Water Project?

4. Bakit mahal ang bili ng SPCWD per cubic meter sa Bulk Water P5.10 kumapara sa P2.12 per cubic meter ng ibang spring source ng SPCWD?

5. Totoo ba na ang Bulk Water ang dahilan ng pagdami ng sirang tubo ng tubig at pagiging mala-gatas ng ating tubig?

6. totoo ba na ang mga kontrang miyembro ng Board noon ay sila na ngayong nagtutulak ng Bulk Water?

7. Totoo ba na halos pare-pareho ang reading ng konsumo ng Bulk Water kahit non-peak hours?

8. bakit ayaw paupuin ng Board ang Interim General Manager from LWUA kapalit ni suspended GM Borja kahit kasama sa kaso ni Borja si current OIC-GM Tisi Rivera? Hawak din ba sa leeg ng Board si Tisi Rivera gaya ni suspended GM Rugir Borja? Mas connection ba ang Bulk Water sa hindi pag-alis kay OIC-GM Rivera?

Ilan lang po ito sa mga katanungan na kailangang sagutin ng SPCWD sa mamamayan ng San Pablo City!!! Paging all those who will run this May 2010 local elections. Isang issue ang tubig kaya tinalo noon ni Doc Cosico si Biteng sa botohan sa bayan. Baka gusto na ninyong makialam!

VICE MAYOR ANG MAY TUWIRANG PANANAGUTAN

Ipinaaalaala ni City Administrator Loreto S. Amante na batay sa tradisyong naitatag ni Senador Tito Sotto noong mga taong siya ang Vice Mayor ng Quezon City at  Pangulo ng Vice Mayors League of the Philippines, ang Vice Mayor ang awtomatikong tagapangulo ng Local Anti-Drug Abuse Council, na sa koordinasyon ng Department of the Interior and Local Government (DILG) ay naging kalakaran na sa buong bansa. Kaya sa mga mapansinin sa pagbabasa ng mga pahayagan, sa mga ulat na may kaugnayan sa mga gawain ng drug abuse council sa Metro Manila at maging sa Visayas, ay hindi nababanggit ang pangalan ng Mayor, sa halip, ang tagumpay at kabiguan ng kampanya laban sa droga ay inaakong pananagutan ng kanilang tagapangulong  Vice Mayor. Halimbawa sa Makati City ay ni Vice Mayor Ernesto Mercado, sa Taguig City ay ni Vice Mayor George Elias, sa Quezon City ay ni Vice Mayor Herbert Bautista, at sa Bacolod City ay ni Vice Mayor Jude Thaddeus Sayson, na pinatotohanan ni Obispo Francisco San Diego ng Diyosesis ng Pasig nang siya ay maging panauhin ng Laguna Peace and Order Council sa Santa sa pagkapag-anyaya ni Gobernadora Teresita S. Lazaro. (Ruben E. Taningco)

CALL FOR ENTRIES TO THE 2011 ATCOM

The Philippine Council for Aquatic and Marine Research and Development (PCAMRD) of the Department of Science and Technology is now calling for entries to the 2011 Aquatic Technology Competition and Marketplace (ATCOM).  The ATCOM aims to promote the marketing/commercialization of technologies for the aquatic and marine resources sector according to Director Cesario R. Pagdilao.

Eligible technologies for the ATCOM are Science and Technology-based technologies ready for adoption in terms of replicability consisting of products, services and process. Director Pagdilao added that the competition is open to all Filipino citizens, whether they are from the National Aquatic Resources Research and Development System (NARRDS)-member-institutions, national centers, other State Colleges and Universities, private sector, or individuals.  To qualify in the ATCOM, the following documents should be submitted: duly accomplished application form; endorsements from the agency head or his/her authorized representative (for government agencies and SCUs), the Zonal Center Coordinator, private sector (CEO/owner), and individual (personal endorsement); and manuscript (with full description of technology and business plan). 

The prescribed outline of the application for the Aquatic Technology Commercialization (ATCOM I) includes: 1) Introduction (stating the  rationale/significance of the technology and problems/issues being addressed), 2). Description of the technology (including the technical feasibility, economic viability – with economic analysis, social benefits/acceptability, environmental impacts, and creativity/innovativeness), current status/adoption of the technology, and level of adoption, 3) Limitation of the technology, and 4) References and other related works.  

Director Pagdilao reminded that entries should be submitted to the concerned Zonal Center Coordinators (Zone I - Dr. Jinnie Mamhot; Zone II - Dr. Pablo Ocampo; Zone III - Dr. Leonor Santos; Zone IV – Dr. Jusie Roxas; and Zone V – Dr. Della Grace Bacaltos) of the zonal area where the applicant is from.  Entries will be reviewed and endorsed by the Zonal Center Coordinator to the PCAMRD for inclusion in the competition.  The submitted entries will be screened by the technical divisions of the PCAMRD -DOST and a board of judges composed of five experts, including a representative from the industry. The criteria for the selection of winners are commercializability, innovativeness, environmental impact, scientific content, and presentation. 

 Approved entries shall be presented at the AQUAMART for exhibition which is open to the public. 

The Aquatic Technology Competition and Marketplace or ATCOM, launched in January 2006, is an annual competition held to showcase the technologies (products and services) generated by the National Aquatic Resources Research and Development System (NARRDS), a nationwide network composed of private and state universities and colleges, government agencies, and cooperating institutions being coordinated by PCAMRD.  From thereon, the ATCOM has been a regular feature held during the two-day celebration of the PCAMRD’s Founding Anniversary in January of each year. 

      Deadline for submission of entries to the Zonal Center Coordinator is on October 30, 2010. For more information, interested parties may log on to www.pcamrd.dost.gov.ph. (PCAMRD/MVRicafrente)

KARANGALAN NG LUNSOD SA ANILAG FESTIVAL

Personal na binati ni Gob. Ningning Lazaro si Arch. Myrna K. Frago ng Forerst Wood Garden sa San Pablo City  matapos pagkalooban ng gantimpala bilang champion sa 2nd Landscaping Competition na iniuugnay sa 2010 AniLag Festival na taunang itinataguyod ng Pangasiwaang Panglalawigan ng Laguna. (SPC Tourism Office

SUPT. RAUL LOY BARGAMENTO, MABUTING TAGAPANGASIWA NG KAAYUSAN

Si Police Superintendent Raul Loy Bargamento, kasalukuyang hepe ng pulisiya sa Lunsod ng San Pablo, at isang residente ng Barangay Canlubang sa Calamba City ay kinilala ng Pangasiwaang Panglalawigan ng Laguna kaugnay ng katatapos na 2010 ANILAG Festival  bilang “Namumukod Tanging Lagunense” para sa kategoriya ng pulis. Magugunitang sa ilalim ng kanyang pangangasiwa, ang San Pablo City Police Station ay ginawaran ng “Model City Transformation Program Award” para sa Taong 2009 o pinakanamumukod na himpilang panglunsod ng pulisiya sa CALABARZON kaugnay ng paggunita sa ika-19 anibersaryo ng pagkakatatag ng Philippine National Police noong nakaraang buwan ng Pebrero. At nitong nakalipas na buwan ng Marso, si Chief of Police Raul L. Bargamento ay tumanggap ng mga papuri at pagkilala, hindi lamang mula sa pangasiwaan ng Philippine National Police, kundi maging mula sa media, dahil sa maagap na pagkalutas ng ilang krimeng naganap sa labas ng lunsod, na sa lunsod na ito nagtago o umarkila ng ginagawang “safehouses’ upang makatakas sa pag-uusig ng batas. (BENETA News)

STII is Anti-Graft Compliant.

 The Science and Technology Information Institute (STII) of the Department of Science and Technology (DOST) notched 8th place in the top ten government agencies compliant to the anti-graft measures set by the Presidential Anti-Graft Commission(PAGC) through its Integrity Development Action Plan. Some 177 government agencies in the country were evaluated by PAGC. Receving the award for STII-DOST is Aristotle P. Carandang, Chief Science Research Specialist, STII-DOST, during the awarding ceremonies held February 9 at the Land Bank of the Philippines in Malate. Others in the photo are (L-R), PAGC Commissioner Teresita D. Baltazar, and PAGC Seceretary Constancia P. De Guzman. (Joy M. Lazcano, S&T Media Service, STII)

Proposed San Pablo City General Hospital

Ito ang larawan ng Proposed San Pablo City General Hospital na ipinatayo ng kasalukuyang pangasiwaan.  Ito ay nadalaw na ng mga technical personnel ng Bureau of Hospital ng DOH na siyang magbibigay ng approval  o permit to operate.  Si Pangulong Gloria Macapagal Arroyo ang magpapasinaya nito sa darating na buwan ng Abril.

April 7, 2010

POST6 NO BILL SA MGA PUNO – MON DE ROMA

     SAN PABLO CITY -  Dapat iwasan ng mga tauhan ng mga pulitikong nagkakabit ng campaign materials na kabitan ng mga streamer, tinplates,  at tarpaulin sa pamamagitan  ng pako, at pagpuputol sa mga sanga nito. Sapagka’t ang bawa’t nabubuhay na puno sa pamayanan ay dapat na pangalagaan, at mapagsikapang magawa itong mayabong sa loob ng isang buong taon, upang makatulong na maging mabagal ang pagtaas ng temperatura ng kapaligiran, at makatulong na rin na mapangalagaan ang panustos na inuming tubig sa pamayanan. Ito ang payo ni City Government Department Head Ramon R. de Roma, ang kasalukuyang Environment and Natural Resources Officer ng lunsod. 

     “Spare the trees,” paglalambing ni Mon de Roma.

     Ayon kay de Roma, nakasaad sa Seksyon 3 ng Presidential Decree No. 705 na ipinagbabawal ang pagputol, pagsira, at pagsugat ng lahat ng uri ng puno, maging ito ay punong kahoy na tumubo o itinanim sa baybayin ng lansangan, liwasan, bakuran ng paaralan, pook liwaliwan, baybayin ng mga ilog at sapa, at maging sa mga gilid ng subdivision roads. Ang mga mapatutunayang lumabag sa kautusang ito ay maaring maparusahan ng pagkabilanggong hindi bababa sa anim (6) buwan subali’t hindi hihigit sa dalawang (2) taon, o multang mula sa P500, subalit hindi tataas sa P5,000, o ang dalawang kaparusahan batay sa magiging kapasiyahan ng hukumang didinig dito.

     Kung ang nagkasala ay isang korporasyon, o isang partnership, o isang asosasyon, ang lalapatan ng parusa ay ang pinuno o ang lider ng samahan na nag-utos ng pagpuputol o pagsira sa puno. 

     Malinaw sa kautusan na mapahihintulutan lamang ang pagpuputol ng mga sanga kung ang layunin ay kapunin ito upang higit na maging maganda ang salaya nito, at mapasigla ang kalusugan ng puno, ayon pa rin kay de Roma. 

Sign Up Now!!!!

Sign up for PayPal and start accepting credit card payments instantly.

Disqus for Balitang San Pablo : Online