May 4, 2010

SA MAYO 7, WALANG PASOK SA SAN PABLO

     Sa pamamagitan ng  Proclamation No. 2042 na pinagtibay ni Executive Secretary Leandro R. Mendoza noong nakaraang Lunes, Abril 26, sa tagubilin  ni Pangulong Gloria Macapagal Arroyo, sa kahilingan ni Mayor Vicente B. Amante, ay ipinahahayag ang  Araw ng Biyernes, Mayo 7, 2010, na Tanging Araw ng Pangilin na Walang Pasok o Special Non-Working Day upang mabigyan ng pagkakataon ang mga mamamayan na maipagdiwang ang ika-70 anibersaryo ng pagkapagpatibay ng Commonwealth Act No. 520 na nagkakaloob ng Karta ng Pagka-Lunsod sa San Pablo.

     Magiging tampok na palatuntunan ng pagdiriwang ang pagkakaloob ng “Gawad ng Karangalan” sa mga napiling “Mga Namumukod Tanging San Pableño” na gaganapin sa Palmera’s Resort and Restaurant sa Maharlika Highway sa Barangay San Rafael, Lunsod ng San Pablo.

     Ang “The Outstanding San Pablenos 2010”  ay sina (1) Court of Appeal Justice Danton Q. Bueser para sa Government Services;    (2) Gng. Esperanza S. Conducto para sa Pangangalakal o Business;   (3) G. Ariston T. Mitra para sa Accountancy, (4) Ms. Marisol “Sol” Aragones-Sampelo para sa Broadcast Media; (5) Dra.Virginia Briones Reyes-Estrada para sa Larangan ng Medisina; (6) Rotarian Palermo A. Bañagale para sa Civic Activities; at Dra. Elma O. Paraiso para sa Humanitarian Activities;    (7) Provincial Schools Division Superintendent Ester C. Lozada para sa Edukasyon; (8) G. Carleto T. Ortega para sa Bronze Sculpture at G. Doroteo Gerardo N. Alanguilan Jr., para sa Visual Arts ;    (9) Swimmer  Michael Mars Andrey Raphael F. Danila para sa Youth in Sports; at    (10) Inhenyero Guillermo P. Inciong (Post Humous Award) para sa  Civil Engineering.  (Ruben E. Taningco)

Sign Up Now!!!!

Sign up for PayPal and start accepting credit card payments instantly.

Disqus for Balitang San Pablo : Online