Skip to main content

Posts

Showing posts from May 24, 2009

DAPDAPAN ELEMENTARY SCHOOL, ADOPTED NG RURAL BANK OF SEVEN LAKES

Nilagdaan nina Chairman and President Odilon I. Bautista, at School District Supervisor Zenaida D. Tolentino ang isang kasunduan para ang Dapdapan Elementary School na may bakuran sa Barangay III-D ay matulungan ng Rural Bank of Seven Lakes, Inc. (RB7L) sa ilalim ng Adopt-a-School Program ng Department of Education. Ang mga mag-aaral sa tinangkilik na paaralan ay pinagkalooban ng kagamitan sa pag-aaral tulad ng note book, pad paper, at iba pang pangangailangan batay sa antas ng pag-aaral. Ang pagpapatibay sa kasunduan ay sinaksihan nina Barangay III-D Punong Barangay Arnel C. Ticzon, School Principal Rhea A. Dacara, at Bank Manager Eduardo Garcia. Adopted schools na rin ng RB7L ang Sto. Cristo Elementary Schools na pinagkalooban ng audio visual equipment para mapaunlad ang communication skills ng mga mag-aaral, at Bagong Pook Elementary School na pinagkalooban ng mga workbook para sa mapaunlad ang kasanayan ng mga mag-aaral sa pagbasa. ( Ruben E. Taningco ).

KANSER NA LYMPHOMA, NALULUNASAN

Noong isang Sabado ng hapon, sa pamamatnugot ni Pangulong Rosauro Suarez at koordinasyon ni Rotarian Jose Cabiles bilang project chairman, sa lingguhang pulong ng Rotary Club of Silangang San Pablo, sa pangalan ng Roche (Philippines) ay nagkaloob ng mahahalagang impormasyon si Dr. Juan F. Loduvice (inset), isang kilalang medical oncologist na naka-base sa Lucena City, tungkol sa kanser na Lymphoma na ang apektado ay ang kulani o immune system ng katawan ng isang tao.At ang magandang balita na kanyang nabanggit, ay ang katotohanang ito ay nagagamot o nalulunasan pa, kung maagang natutuklasan. ( Ruben E. Taningco )

SEGREGASYON NG BASURA, SIMULA SA HUNYO 16

Si Engr. Ruel J. Dequito samantalang nagpapaliwanag sa kapulungan ng mga pinunong nayon Nang humarap si Engr. Ruel J. Dequito, officer-in-charge ng City Solid Waste Management Office noong Lunes ng umaga sa buwanang pulong ng Liga ng mga Barangay, kanyang ipinaaalaala na simula sa Hunyo 16, araw ng Marfes, ay ipatutupad na ang bagong eskedyul o araw ng koleksyon ng basura, gaya ng mga sumusunod: Lunes, Miyerkoles, Biyernes, at Linggo ay ang mga basurang nabubulok o biodegradable; at Martes, Huwebes, at Sabado ay ang basurang hindi nabubulok o non-biodegradable. Dahil dito, nabanggit ni Engr. Dequito na pananagutan ng lahat, maging ito ay sa tahanan o sa paggawaan, na pagbukodbukurin ang kanilang basura sa pamamagitan ng paglalagay ng mga bagay na nabubulok sa isang sako o plastic bag, at ang mga hindi nabubulok sa ibang lalagyan, at ilalabas lamang ito pagnarinig na ang batingting, na ang pinakamaaga ay sa ika-5:00 ng madaling araw. Tuwi

BRIGADA ESKUWELA 2009

Ang 50 kagawad ng Alpha Company ng 1 st Laguna Ready Reserve Batallion sa pamumuno ni 1Lt. Antonio L. Aviquivil, na tinulungan ng ilang kawal na nabibilang sa 202 nd Infantry “Unifier” Brigade ng Philippine Army, ay nakipagtulungan sa pagsasaayos ng mga gusali at bakuran ng San Pablo Central School sa ilalim ng Palatuntunang Brigada Eskuwela ng Department of Education noong nakaraang Mayo 18 – 22, 2009, sa koordinasyon ni Dr. Anita E. Quiatchon. Punong guro ng paaralan. ( Ruben E. Taningco )