February 13, 2009

People’s Day ni Congresswoman Ivy Arago


TRANSPARENCY IN ACTION - Kung mga araw ng Linggo na ginaganap ang People’s Day ni Congresswoman Ma. Evita “Ivy” R. Arago ng Ika-3 Distrito ng Laguna sa Distrtict Field Office sa San Pablo City, ang kinatawan ay tinutulungan ni DPWH District Engineer Federico L. Concepcion sa pagpapaunawa sa mga lumalapit na lider ng iba’t ibang barangay ng mga katangian at dapat asahan sa mga proyektong ipinatutupad ng pamahalaan, lalo na ang proseso ng pagpapasubasta na isang pag-alinsunod sa mga tadhana ng Batas Republika Bilang 9184 o Reform Procurement Law upang ganap na mapangalagaan ang pondo ng bayan at mapangasiwaan ang kagalingan ng mga mamamayan. (Ruben E. Taningco)

PASAJERO NI ATE IVY


Sa layuning mapasigla ang paghahatid ng mga paglilingkod na pangkalusugan at panglipunan, pinagkalooban ni Congresswoman Ma. Evita R. Arago ang Municipal Social Welfare and Development Office ng Alaminos (Laguna) ng isang yunit ng Suzuki Sakbayan (Jitney) Multi-Cab noong Linggo ng umaga, na tinatawag din ng mga bata sa day care center na “Pasajero Ni Atie Ivy”. Sa larawan, ang jitney na may plate number SJF-152 nang tanggapin ni MSWDO Marissa M. Aguilar, sa tulong ni Driver Junoel Masajo Reyes ng Tanggapan ni Mayor Eladio M. Magampon. *Ruben E. Taningco)

PAGPAPLANONG PANGKAPANATAGAN NG PAMAYANAN

Nagugunita ni Head Executive Assistant Mariuz F. Zabat na dalawang taon na ang nakalilipas, o noong Nobyembre 29, 2006, sa koordinasyon ni City Director Herminia Arcelo ng Department of the Interior and Local Government sa lunsod na ito, ang 202nd Infantry Brigade ng Philippine Army, at ang San Pablo City Peace and Order Council, ay naisagawa ang isang Joint Strategic Planning and Workshop on Local Peace and Security Management sa Tala Resort and Hotel sa Rizal, Laguna, kung saan nabalangkas ang isang Pananaw na ang Lunsod ng San Pablo ay maging Isang Mapayapa at Maunlad na Lunsod na Pinanahanan ng May Takot Sa Dios, May Sigla, May Pananagutan, at Masunurin sa Batas na Mamamayan,” na ang Misyon ay “Mapangalagaan at Mapatatag ang Isang Mapayapa at Maunlad na Lunsod ng San Pablo.

Ang nabanggit na planning workshop na tumanggap ng ganap na suporta mulaa kina Gobernadora Teresita S. Lazaro, Alkalde Vicente B. Amante at ABC President Gener B. Amante, na masasabing isang pilot project sapagka’t kito ang kaunaunahanpagkakataon na ang isang yunit ng pangasiwaang lokal ay nagkaroon ng talakayan upang mabalangkas ang palatuntunang pangkaayusan at pangkapanatagan na salig sa paradigm o mga katanggaptanggap na paniniwala at paninindigan

Noon ay ipinahayag ni Koronel Jorge Valbuena Segovia, pinunong tagapag-utos ng 202nd Infantry (Unified) Brigade, ang kanyang panananto sa San Pablo City Peace and Order Council (POC) na susuportahan ang mga palatuntunan nito, lalo na ang pagtulong sakali’t ang pamayanan ay dalawin ng kalamidad na kinakailangang magsagawa ng mga rescue operations, pakikipagtulungan sa pagsasagawa ng mga medical and dental mission, at regular na paghahandog ng dugo sa San Pablo City Red Cross Blood Bank.

Sa panig ni ABC President Gener B. Amante, napakahalagang sa naganap na planning workshop ay pinagtuunan ng pansin ang pagbalangkas ng isang Standard Operating Procedure upang ang mga City/Municipal Disaster Coordinating Council sa buong lalawigan ay mabilis na magkakaugnayan para sa mabilisang paghahatid ng tulong na pangkagipitan kung may mga nagaganap na kalamidad o mga malawakang kasakunaan, sa ilalim ng kaisipang ang lalawigan ng Laguna ay binubuo ng mga malalaki at maliliit na may kanya-kanyang pekulyar at ispisipikong kalalagayan at katangian upang mapangasiwaan at mapangalagaan ang pag-iral ng kaayusan at kapanatagan.

Iminungkahi noon ni ABC President Amante na dapat pag-aaralan na sa ilalim ng katotohanang ang isang pangangasiwaang barangay ay nagtatatag ng maraming lupon, na pawang ang punong barangay ang tagapangulo, at ang mga kagawad ay sila-sila na rin lamang, ay makabubuting ang palakasin na lamang ay ang Barangay Disaster Coordinating Council, upang sakupin na rin nito ang pagsasagawa ng barangay development planning, ang koordinasyon ng mga palatuntunang pangkalusugan at pangnutrisyon, at maging ng implementasyon ng alternative education program at mga gawain sa pagyayaman at pagpapasigla o paglilinang sa suliraning pangkultura at pangsining. Ang kabuuang pananaw na yaon, ay nakikita ang pagiging epektibo kung papansinin ang kasalukuyang kalalagayan ng Barangay San Jose (Malamig), kung saan ang mga naninirahan ay tuwirang nadarama ang kabuuang panglilingkod na maipagkakaloob ng isang yunit ng pamahalaang lokal, tulad ng maunlad na sistema ng paaralan, na may kalakip na palatuntunan ng pagkakaloob ng kaalamang panghanapbuhay o alternative education. At pangkalahatang pakete ng paglilingkod na pangkalusugan at panglipunan o health and social aid packages. (Ruben E. Taningco)

Republic Act No. 9003 (Ecological Solid Waste Management Act of 2000)


Iniuutos ng Republic Act No. 9003 (Ecological Solid Waste Management Act of 2000) at ng City Ordinance No. 2003-15 ang pagbubukod-bukod ng basura sang-ayon sa kalalagayan nito, akay ng layuning maayos na mapangasiwaan ang koleksyon at pagtatapon ng basura mula sa mga tahanan, at mapangalagaang malinis ang kapaligiran. (CIO Photo)

CIVIL REGISTRATION MONTH: SUSI SA PANDAIGDIGANG OPORTUNIDAD

Pangungunahan ng National Statistics Office (NSO), kabalikat ang mga Local Civil Registry Offices (LCRO) sa buong bansa, ang pagdiriwang ng Civil Registration Month ngayong Pebrero para sa ika-18 taon ng ahensya sa buong bansa, sa bisa ng Proclamation No. 682 na pinagtibay ni dating Pangulong Corazon C. Aquino noong Enero 19, 1991. Ang tema ang selebrasyon ay “Civil Registration: Key to Global Opportunities” o “Pagrerehistrong Sibil: Susi sa Pandaigdigang Oportunidad” sang=ayon kay Provincial Statistics Officer Magdalena T. Serqueña, hepe ng NSO-Laguna Provincial Office.

Mahalaga ang tala ng kapanganakan, kasal, kamatayan, pag-aampon at iba pang civil registry documents o dokumentong sibil ayon kay Bb. Serqueña sapagka’t dito nakasalalay ang kinabukasan ng lahat. Mula pa sa pagkapanganak, ang birth certificate ay ginagamit na sa Philhealth, SSS o GSIS, gayun din ang marriage certificate para sa hospitalization claim at iba pang benefits. Sa unang pag-aaral pa lamang ng bata at sa pagkuha ng board examination, ang birth certificate ay kinakailangan na rin upang makatiyak ng tunay na tala ang mag-aaral upang maiwasan ang problema na may kaugnayan sa birth certificate. Sa pag-hahanapbuhay, ang birth certificate at marriage certificates (kung may asawa) ang hinihingi upang magamit sa pagtanggap ng mga benepisyo tulad ng retirement o insurance benefits. Sa pagpapakasal, birth certificate at Certificate of No Marriage (CENOMAR) ang hinihingi ngayon ng simbahan, huwes at mayor upang makatiyak na tama ang tala ng ikakasal at makasiguradong walang previous marriage ang babae o lalaking ikakasal. Para sa death claim, birth,marriage and death certificates ang hinihingi ng SSS o GSIS upang makasiguro ng tunay na kalalagayan ang namatay at ang naiwan niya. Birth at marriage certificates din ang hinihingi sa pagke-claim ng mana na ari-arian ng mga naiwang tagapag-mana o designated na tagapag-mana.

Di maikakaila na marami sa mga mamamayan ang naghahangad ng magandang oportunidad sa ibang bansa. Sa pag-aaply pa lamang ng pasaporte sa DFA, birth at marriage certificates ang hinihingi ng DFA upang makatiyak ng tunay na record ang aplikante sa kanilang kapanganakan o kasal. Sa NSO-Region IV pa lamang may daily average na 2000 aplikante para sa authenticated documents. Karamihan dito ay may layuning maghanapbuhay sa ibang bansa

Nais ipabatid ni Provincial Statistics Officer Magdalena T. Serqueña, pinuno ng NSO-Laguna, na malapit nang umpisahan sa sangay nito sa Maharlika Highway, Brgy. Bagong Bayan, San Pablo City ang pagtanggap ng aplikasyon para sa authenticated documents buhat sa BREQS outlets kayat makakakuha nito ang publiko na nakatira sa Laguna sa madaling panahon. Gusto lamang ipaunawa ni PSO Serqueña na buhat lamang sa BREQS outlet tulad ng San Pablo City, Calamba City at City of Santa Rosa ang maaaring iproseso ng NSO-Laguna, kayat ang may kahilingan ay maaaring mag-apply sa nabanggit na mga lunsod. (NSO-Laguna)

TOKEN OF GRATITUDE


TOKEN OF GRATITUDE - San Pablo City District Jail Deputy Warden, Jail Senior Inspector Jerome V. Soriano, in behalf of BJMP-Region IV-A Director (Jail Senior Superintendent) Norvel Mingoa hands over plaque of appreciation to Seven Lakes Press Corps as a token of gratitude for the just and fair reporting of Bureau of Jail Management and Penology’s advocacy activities and performances during Calendar Year 2008. For formalities, the award was received by SLPC President Nani C. Cortez in the presence of JO2 Marian Manset, SLPC Executive Vice President Sandy Belarmino, City Government Assistant Department Head Melinda P. Bondad, and Video Editor Ramil Buiser of the City Information Office. (CIO/Jonathan S. Aningalan)

OIC RAUL L. BARGAMENTO


SAN PABLO CITY - Police Superintendent Raul L. Bargamento, the newly designated officer-in-charge of the San Pablo City Police Station did not promised anything upon assumption of office during the simple turn-over ceremony here last Tuesday officiated by Provincial Director Manolito Labrador, and witnessed by some local officials with force multipliers and council of elders in attendance.


However P/Supt Raul L. Bargamento made a pledge to duplicate if not surpass the extra-ordinary performance of the police station under the leadership of outgoing Chief of Police, P/Supt Joel C. Pernito, who was given a new tour of duty as officer-in-charge of the Biñan Municipal Police Station.


The SPCPS flag of command was handed by Laguna Police Provincial Office Director P/S Supt Manolito Labrador to incoming Chief of Police P/Supt Bargamento who incidentally is a batch mate of P/Supt Pernito in PNPA Class ’91.


An specialistt in risk management and intelligence monitoring, Bargamento was assigned in Recom 9 comprising the provinces of Sulo, Basilan and Tawi-Tawi immediately upon graduation for a period of eight years, then at GHQ Camp Crame until he was tapped by United Nations on its Kosovo peacekeeping missions.


The new COP had a 5 year stint at PDEA from 2002 to 2007, Intelligence Chief of Rizal PPO and lately Chief of Police of Antipolo City prior taking the helm of SPCPS.
He is married to P/Supt Mary Ann Bargamento presently assigned in Region 3, with whom he has three children, 2 girls and a baby boy, aging nine, seven and one year old.


City Administrator Loreto S. Amante warmly welcomed Supt. Bargamento and assured the police official all out support from the local government. Immediately thereafter the new police chief proceeded to the office of the City Mayor to pay a courtesy call pm Mayor Vicente B. Amante. (nani cortez/ pres. - seven lakes press corps)

Sign Up Now!!!!

Sign up for PayPal and start accepting credit card payments instantly.

Disqus for Balitang San Pablo : Online