July 25, 2008

TULARAN ANG MGA PINUNONG BARANGAY


ALAMINOS, Laguna – Sa flag ceremony noong Lunes ng umaga, nanawagan si Bise Alkalde Ruben D. Alvarez sa mga kawani ng pangasiwaang lokal na tularan lang mga pinunong barangay sa kanilang pagdalo sa palatuntunan. Aniya, ang tao ang dapat na naghihintay sa bandila, at hindi ang bandila ang naghihintay sa tao. Dapat din umanong saulado ng bawa;t isang pinuno, kawani, at manggagawa ng pamahalaan ang “panunumpa sa watawat.”

Dapat ding makatotohanang isinasapuso ng mga kawani, lalo na ng mga nagsisipaglingkod sa tanggapan ng kalusugan at ng kagalingang panglipunan, ang Panunumpa ng mga Kawani ng Gobierno na itinatagubilin ng Civil Service Commission. na “papasok na maaga, at maglilingkod ng higit sa oras.”

Napapansin ni Alvarez na sa bawa’t pagkakataon na ang Liga ng mga Barangay ang nagtataguyod ng palatuntunan sa pagtataas ng walawat sa “municipio,” ay maagang dumarating ang mga dadalong punong barangay at kagawad ng sangguniang barangay kaysa takdang oras, at maging sa pag-awit ng Bayang Magiliw ay malakas at buo ang kanilang mga tinig.

Gayon pa man, nagpapaalaala rin naman ang pangalawang punumbayan sa mga hepe ng tanggapan na kung ang flag ceremony ay aabutin ang office hour, ay kinakailangang magtatalaga ng tauhang titigil sa kanilang tanggapan upang sumagot sa mga tawag sa telepono, para huwag namang akalain ng mga mamamayan na oras ng dapat ay bukas na ang tanggapan ay wala pa ang mga tauhang dapat ay naglilingkod roon. (Ben Taningco)

MAGBAHAGI NG DUGO UPANG ANG IBA AY MABUHAY

Kaalinsabay ng pagdiriwang sa Buwan ng Hulyo Bilang Blood Donors Month, pormal na binuo ang Galloners Club ng San Pablo City Red Cross Chapter na ang natalagang Organizational President ay si Dr. Emmanuel Loyola na naging panata ang maghandog ng dugo sa San Pablo City Red Cross Blood Bank tuwing ikatlong buwan.

Ayon kay Chapter Administrator Dorie P. Cabela, upang maging kasapi ng Galloners Club, ang isang blood donor ay kinakailangang nakapaghandog na ng hindi kukulangin sa isang galong dugo na karaniwang matatamo pagkatapos na makapaghandog ng walong (8) ulit na isinasagawa tuwing ikatlong buwan. Sa ang isang normal na tao ay nakukunan ng hanggang 500 cubic centimeters sa bawa’t extraction.

Ang isa sa kilalang tao na miyembro ng Galloners Club ay si dating Pangulong Fidel V. Ramos, na kaya lamang tumigil ng paghahandog ng dugo ay ng dumating na siya sa gulang na labag na sa alituntuning siya ay kunan.

Sa pahayag na isinahimpapawid ng CELESTRON Cable Television, sinabi ni Dr. Eman Loyola na ang lahat ng tao na normal ang kalusugan ay dapat maghandog ng dugo sa isang blood bank. At tulad sa isang bangko, ang isang naglagak ng dugo sa blood bank ay siya rin ang makikinabang sa paglakad ng panahon, sapagka’t sa maraming pagkakataon, ang isang blood donor ang dumarating ang pagkakataong siya rin ang gumagamit ng kanyang inilagak upang madugtungan ang kanyang buhay.

Ayon kay Galloners Club President Eman Loyola, mabuting magbahagi ng dugo. Magbigay para ang iba ay madugtungan ng buhay, na maaaring ang binabanggit na ibang buhay ay ang iyong sariling buhay (Ben Taningco)

30th National Disability Prevention and Rehabilitation Week


Nang ipagdiwang ng bansa ang 30th National Disability Prevention and Rehabilitation Week noong Hulyo 17 - 23, ang Junior Chamber International-San Pablo 7 Lakes ay itinaguyod ang isang “Artists Without Hands Art Works Exhibit” na itinanghal sa One Stop Processing Center ng Pangasiwaang Lunsod ng San Pablo, na may tulong mula kay Provincial Administrator Dennis S. Lazaro. Itinampok ang mga may kapansanang pintor na Lagunense na ang ginagamit sa pagpipinta o panghawak ng pinsel ay bibig o paa sa pangunguna ni Mouth Painter Bernard Pesigan ng Barangay Sta. Monica sa Lunsod ng San Pablo. (Ben Taningco)

July 24, 2008

AGUEDA KAHABAN NG CALAUAN, HENERALA NG KATIPUNAN

CALAUAN, Laguna – Ipinapapansin ni Mayor Buenafrido “George” T. Berris na batay sa South Luzon Telephone Directory ng Philippine Long Distrance Telephone Company, ang isa sa kinilalang matapang na lider ng mga Katipunero sa pagtatapos ng Digmaang Pilipino at Castila na gumapi sa malaking puwersa ng mga Castila na may matatag na himpilan sa Sta. Cruz noong Agosto 31, 1898 ay si Henerala Agueda Kahaban ng bayang ito.

Sang-ayon sa kasaysayan, bilang gumaganap na Pangalawang Pangulo ng Bansa at pangunahing lider ng himagsikan sa Timog Luzon, tinagubilinan ni Heneral Miguel Malvar sina Heneral Paciano Rizal ng Calamba, Henerala Agueda Kahaban ng Calauan, at Heneral Severino Taiño ng Pagsanjan na magsagawa ng puspusang pagbaka sa mga kalabang nakahimpil sa iba’t ibang municipio na sakop ng Laguna.

Sa simula, ang pangkat ni Henerala Agueda ay reserba o nagkakaloob ng karagdagang kawal sa pangkat nina Heneral Rizal at Taiño kung sino sa kanila ang napapasuong sa mahigpit na pakikipaglaban. Subali’t noong magtatapos na ang Buwan ng Agosto, kinailangan ni Henerala Kahaban na gumawa ng sariling pagsalakay sa isang garrison upang ang mga kaaway ay huwag magkatulungan sa kanilang pakikihamok at huwag na muling makatipon ng lakas.

Sakay ng isang kabayong puti, at personal na pinangunahan ang pagsalakay sa matatag ng kuta o maayos na kanlungan ng mga kalaban, ang ipinakita ni Henerala Kahaban na katapangan at talino sa pakikihamok ay nagsilbing pampalakas ng loob sa kawal katipunero na nagbunga ng kanilang pagwawagi sa mahigpit na nasasandatahang mga kaaway.

Henerala Agueda Kahaban, bayani ng Laguna na anak ng Calauan, at ang tanong ng maraming kabataan ay ano kayang pagdiriwang ang magaganap sa Agosto 31, 2008 na ika-110 anibersaryo ng pagtatagumpay ng mga Manghihimagsik na Lagunense na kumubkob sa mga Kawal ng Castila sa Santa Cruz. (Ben Taningco)

July 21, 2008

PGMA signs into law measure exempting minimum wage earners from income tax

TUESDAY, JUNE 17, 2008 | LABOR AND WELFARE

President Gloria Macapagal-Arroyo signed into law this morning the measure exempting minimum wage earners from paying income tax and also increasing the personal exemptions for other employees.

The President signed Republic Act 9504 or “An Act Amending Sections 22,24,34,35 and 79 of Republic Act 8424,as Amended, otherwise known as the National Internal Revenue Code of 1987,” in simple rites held in Malacanang in the presence of the measure’s principal authors and sponsors.

Senators Ramon Revilla, Jr., Juan Ponce Enrile, Francis Escudero, Richard Gordon, Manuel Roxas lll, House Speaker Prospero Mograles,Rep. Exequiel Javier and Martin Romualdez, among others, witnessed the signing ceremony.

The President, who for several times urged Congress to pass this urgent bill that would help ease the impact of continuing rise in oil and food prices on the people, was visibly pleased.

The new law stands to provide relief and additional money to spend for basic necessities especially for the minimum wage earners.

The new law also exempts from tax all holiday, night differential, hazard and overtime pay received by minimum wage earners.

The new law also increases personal exemptions for individual tax payers and additional deduction for qualified dependents.

The personal exemptions are as follows: for single: from P20,000 to P50,000; for head of family: from P25,000 to P50,000; for married: from P32,000 to P50,000; for each qualified dependent not exceeding 4: from P8,000 to P25,000.

A family of six, with two working spouses and four dependent children used to enjoy total exemptions of P96,000. With the new law, the total amount of exemptions would be P200,000.

Minimum wage earners have been exempted from withholding tax since January 2006, through Revenue Regulations 01-2006 as a form of focused support by government for low income earners and RA 9504 formalized this tax exemption order for about 500,000 minimum wage earners both in the private and public sector.

Finance Secretary Margarito Teves said the government would forego some P3.16 billion annually in tax revenues with the income tax exemption of minimum wage earners.

He added that the new personal exemption levels would also cost government some P11.09 billion in revenue losses.

However, Teves said government could recover tax revenue losses from RA 9504 with the imposition of optional standard deductions (OSD) in filing business income tax returns.

“Our estimate is that we stand to gain some P15.03 billion from the OSD features,” Teves said.

The OSD simplifies the filing of income tax returns and benefits, in particular, professionals and medium,small and micro entrepreneurs.

The OSD would also encourage businesses in the underground to operate legally.

Source : http://www.gov.ph/news/?i=21214

SPECIAL ATHLETES AT PARALYMPIC GAMES


KAPAG MAY ACCESS MAY SUCCESS- Si City Administrator JCI MemberLoreto S. Amante, katuwang si JCIP-San Pablo President Normandy I. Flores sa pagsasagawa ng ceremonial toss Basket Ball on Wheels (Paralympics). Ito ay isa lamang sa mga acitivities na ginanap ukol sa Paggunita ng National Disability Week. Magkakatuwang ang City Government of San Pablo, Provincial Government of Laguna at ang Junior Chamber International-San Pablo sa isang Linggong mga activies ng National Disability Week. (CIO-San Pablo)

PHILHEALTH CALAMBA, TAGAPAYONG PANGLIPUNAN

CALAMBA CITY – Ang Chief Social Insurance Officer ng Philippine Health Insurance Corporation (PhilHealth) na naka-base sa lunsod na ito ay ibinilang na kasapi ng inter-agency body sa pag-uugnay-ugnay ng Calamba City Satellite Office ng Philippine Overseas Employment Office (POEA) na nagkakaloob ng Pre-Departure Orientation Seminar (PDOS) upang matiyak na nauunawaan ng mga bagong Overseas Filipino Workers ang kanilang mga karapatan at pananagutan bilang mga manggagawa sa labas ng bansa, tulad ng health insurance coverage, sang-ayon kay Chief Social Insurance Officer Arturo “Atoy” C. Ardiente ng PhiulHealth Calamba City Service Center.


Ayon kay Ardiente, isang pangangailangan na ang isang OFW bago mapagkalooban ng Overseas Employment Certificate (OEC) ay nakatala na sa PhilHealth sa ilalim ng palatuntunang dating pinangangasiwaan ng Overseas Workers Welfare Administration (OWWA), kaya ang premium na kanilang binabayaran ay P900 lamang para sa isang taon proteksyon.


Sa dahilang ang enrolment sa PhilHealth ng mga OFW ay may bisa lamang sa loob ng isang taon, nagpapaalaala si Ardiente sa mga OFWs o sa kanilang mga kaanak na naiiwanan sa bansa, na tiyaking ito ay nari-renew bago dumating ang expiration date nito upang maging tuloy-tuloy na natatamasa ang kanilang pribilihiyo sa ilalim ng umiiral na health insurance program sa Pilipinas. Ang nabanggit na renewal of enrolment ay maaaring isagawa saan mang service center ng PhilHealth saan mang panig ng bansa.


Bagama’t inaasahang ang mga pinaglilingkuran ng PhilHealth-Calamba Service Center ay mga nabibilang sa formal sector o ang mga empleyado at manggagawang may buwanag kita o sahod, maging ito ay nasa palingkuran ng pamahalaan o nasa mga pribabdong institusyon, nabanggit ni Ardiente na sa kanilang lawak ay maraming naipatatalang mga nabibilang sa informal sector o yaong ang gawain ay binabayaran ang aktwal na ipinaglilingkod, tulad ng mga karpintero, mason, tubero, at iba pang namamakyaw ng gawain, gaya ng mga humihingi ng upa para magtabas o maglinis ng mga bakuran. Ang iba naman ay yaong mga miyembro ng mga kilusang bayan o kooperatiba.


Halimbawa, iniulat ni Ardiente na sa lawak ng kanyang pananagutan ay nagsisipagpatala ang mga miyembro ng Ahon Sa Hirap, Inkorporada na may mahigit sa 5,000 kasapi. Ang samahan ay binabayaran ng cash ang yearly premium na P1,200, upang ito ay hulugan sa kanila ng kanilang mga ipinatalang miyembro. Ganoon din ang pakikipag-ugnayan ng Center for Community Transformation, Inc.


Ang Ahon Sa Hirap, Inc. at ang Center for Community Transformation, Inc ay nagkakaloob ng pahiram na puhunan o credit delivery system.para sa mga maliliit na mamumuhunan, tulad ng nagpapakilos ng sari-sari store, at mga nagsisipagsunong ng paninda sa bilao. Sila ay ipinatatala bilang mga Individually Paying Member (IPM), paunawa ni Ardiente, at ang kanilang naipatatala sa unang semester ng taong kasalukuyan ay umaabot na sa 47,000 ama o ulo ng sambahayan. Ang Enrolled OFW sa records ng PhilHealth Calamba City ay umaabot lamang sa 40,000. (Ben Taningco)

Sign Up Now!!!!

Sign up for PayPal and start accepting credit card payments instantly.

Disqus for Balitang San Pablo : Online