January 29, 2008

GSIS W@PS Kiosk, Itinayo Dito Sa San Pablo City


Si Area Manager Elsie Jacolbe Lising (dulong kanan) kasama sina Mayor’s Office Administrative Officer Emilio I. Tirones, City Accountant Lolita G. Cornista, at City Human Resource Officer Elvira A. Celerio matapos na mapasinayaan ang machine ng GSIS W@PS Kiosk sa One Stop Processing Center.



Upang maayos na mapaglingkuran ang mga kasapi ng Government Service Insurance System (GSIS) dito sa Lalawigan ng Laguna, ang korporasyon ay naglagay ng Wireless Automated Processing System (W@PS) Kiosk na pormal na binuksan sa One Stop Processing Center noong Lunes ng umaga, Enero 28, matapos na malagdaan ang isang memorandum of agreement na pinagtibay nina Mayor Vicente B. Amante sa panig ng pamahalaang lokal, at Area Manager Elsie Jacolbe Lising para sa Laguna Field Office, na sinaksihan nina City Councilor Arsenio A. Escudero Jr., City Prosecutor Gerardo B. Ilagan, City Budget Officer Lolita G. Cornista, City Human Resources Management Officer Elvira A. Celerio, at iba pang mga pinunong lunsod.




Ito ang ika-3 Kiosk na itinayo sa sakop ng Laguna, una ay sa Field Office sa Barangay Biñan sa Pagsanjan, ika-2 sa Lobby ng New Capitol Building sa Provincial Capitol Compound sa Sta. Cruz, ika-3 dito sa San Pablo City, ika-4 sa Groundfloor ng Student Union Building sa UPLB Campus na pormal na binuksan noong nakaraang Miyerkoles, Enero 30, at sa ika-5 ang sa City Museum sa City Hall Complex ng Sta. Rosa na binuksan noong nakaraang Huwebes, Enero 31...




Ayon kay Bb. Elsie J Lising, ang isang GSIS member, kasama na ang mga retirado o pensionado, sa pamamagitan ng kanilang eCard at diit ng daliri, sa tulong ng machine inilagay sa kiosk, ay maaaring usisain ang kanyang records sa GSIS, at magsagawa ng transaksyon, tulad ng pag-utang o paghiling ng loan. Hindi na nila kailangang magsadya pa sa GSIS Field Office sa Pagsanjan, sa halip ay sa pinakamalapit na G-W@PS Kiosk nila isasagawa ang pagpopreso ng hinihiling na utang o pagtatanong.



Gayon pa man, ipinaliwanag ni Lising na ang halagang napagtibay na utangin o proceeds of the loan na nakuha sa pamamagitan ng kosk ay sa mga ATM kukunin o wi-withdraw-hin. (Ben Taningco)

PhilHealth, PAO Nagsanib Puwersa Laban sa Pang-aabuso

Nilagdaan kamakailan sa pag-itan ng PhilHealth at Philippine Academy of Opthalmology (PAO) ang Memorandum of Agreement (MOA) upang matulungang mabawasan ang pang-aabuso sa National Health Insurance Fund sa pamamagitan ng fraudulent claims dahil sa mga pagkakamali ng mga doctor.

Noong nakaraang taunang pagpupulong ng PAO sa Lungsod ng Pasig, kinundina ni Bb. Lorna Fajardo, Acting PhilHealth President at CEO at Dominga Padilla,pangulo ng PAO, ang pagsasagawa ng ibang heatlh care providers ng cataract extractions na hindi tama at imoral ang proseso.

May mga doctor na kumukuha ng serbisyo ng ahente na tinatawag na “seekers” kung saan siya ang nagdadala ng mga pasyente, karamihan nito ay miyembro ng PhilHealth para makakuha ng malaking reimbursement, sabi ni Fajardo,. Binigyan diin din niya ang hindi magandang sitwasyong kinakaharap sa mga operasyong isinasagawa.

Sinasabing ang mga operasyon ng mga doktor na ito ay isinasagawa sa pinakamasamang kundisyong maiisip mo. Ang mga pasyente ay napapabalitang galing sa malalayong lugar kung saan sila ay makikinabang sa mass cataract operation na nagbabalat-kayong medical mission. Ayon kay Fajardo, ito ay ginagamit lamang para dayain ang PhilHealth sa pamamagitan ng pagpapasa ng claims.

Bukod sa pagbibigay ng listahan sa PhilHealth ng PAO-sponsored cataract project para malaman kung valid ang claims, ang kasunduang ito ay nagbigay daan upang magbigay aksyon ang PAO sa mga PhilHealth-referred cases at pagdalo sa consultative meeting na ginagawa isang beses sa isang buwan. Nagpapasalamat sila sa PhilHealth sa pagkilala sa kakayahan ng PAO sa pag resolba sa malpractice na sangkot ang ilang member-opthalmologists, dagdag ni Padilla . Ang MOA kasama ang PAO, ay una sa kasaysayan ng PhilHealth. Sa pamamagitan ng MOA, pinagtibay ng PAO ang patuloy na pananagutan at suporta sa mga mithiin ng PhilHealth. (PhilHealth IV-A)

Miyembro sa ilalim ng Sponsored Program, patuloy na dumarami

Ayon sa pinakahuling tala mula sa Membership Section ng Field Operations Division sa pamumuno ni G. Edgardo T. Ardiente, patuloy na dumarami ang mga miyembro sa ilalim ng Sponsored Program ng PhilHealth. Sa kasalukuyan, may 184,932 naitalang bagong miyembro sa ilalim ng programang ito na binubuo ng 45,085 miyembro mula sa Quezon, 85,228 sa Laguna at 54,619 naman sa Cavite. Kaya naman, patuloy ang pakikipag-ugnayan ng tanggapan ng PhilHealth sa iba’t-ibang lokal na pamahalaan upang palawakin ang kampanya upang madagdagan ang bilang ng mga miyembro ng PhilHealth sa ilalim ng programang ito.

Ang benepisyo ng PhilHealth ay maaaring gamitin sa panahon ng pagpapa-ospital. Kabalikat ito ng miyembro sa pagbabayad ng gastos sa kwarto, gamot, laboratoryo at bayad sa duktor.

Kaugnay nito, hindi lamang miyembro ang makikinabang sa paggamit ng benepisyong Medicare. Kasama ring makikinabang dito ang mga kwalipikadong makikinabang ng mga ito. Kabilang dito ang mga anak na may edad na 20 taong gulang pababa, walang asawa at trabaho, legal na asawa at magulang na 60 taong gulang pataas. Dalhin lamang ang mga dokumento tulad ng Birth Certificate with registry number para sa anak, Marriage Contract with registry number para sa asawa at Birth Certificate with registry number ng miyembro at magulang sakaling ang isasama bilang kwalipikadong makikinabang ay magulang.

Dagdag pa dito, pinaaalalahanan ng PhilHealth na makipag-ugnayan ang bawat miyembro sa mga tanggapan nito upang maiayos ang kanilang datos at mabigyan ng updated na Member Data Record (MDR) na kailangan sa kanilang pagpapa-ospital. (PhilHealth-IV-A)

Sign Up Now!!!!

Sign up for PayPal and start accepting credit card payments instantly.

Disqus for Balitang San Pablo : Online