Skip to main content

Posts

Showing posts from July 5, 2009

CITY HOSPITAL, MABUBUKSAN NA

SAN PABLO CITY – Sa flag ceremony noong Lunes ng umaga, ay pinasalamatan ni Alkalde Vicente B. Amante ang Sangguniang Panglunsod dahil sa ginawa nitong pagpapatibay sa Proposed Annual Budget for Calendar Year 2009 noong nakaraang Biyernes ng umaga, Hulyo 3, 2009, na magbibigay-daan upang makapagtalaga na ng mga kinakailangang tauhan upang mabuksan ang San Pablo City General Hospital na ipinatayo ng pangasiwaang lokal sa Barangay San Jose (Malamig). Sang-ayon sa alituntuning ipinatutupad ng Department of Health, kinakailangang magtalaga ng sapat na bilang ng manggagamot, narses, at iba pang kinakailangang tauhan na magdo-duty ng three sifting o tuloy-tuloy sa loob ng 24 oras. Para mabuksan, kinakailangang magtatalaga ng hindi kukulangin sa 24 registered nurse, anim (6) na resident physician, tatlong medical technologist, at iba pang mga para medical professionals, na ang pagtatalaga nito ay nakatakda sa pinagtibay na proposed budget paliwanag ni Alkalde Amante.

PONDO NG DISTRITO, IBINABALIK SA TAO

SAN PABLO CITY – “Pondo ng Distrito, Ibinabalik sa Tao,” ito ang naging paksang diwa ng ginanap na People’s Day ni Congresswoman Ma. Evita R. Arago noong Linggo ng umaga, Hulyo 5, 2009, sa Villa Evanzueda sa Sityo Baloc na dinaluhan ng mga pinunong barangay mula sa anim (6) munisipyo at lunsod na ito na bumubuo ng 3 rd Congressional District. Ito ay sa dahilang pormal na ipinamahagi ang mga tseke para sa iba’t ibang paggawain na naihingi ng kinatawan ng tulong mula sa Department of Agriculture, at mula sa tinanggap niyang Priority Development Assistance Fund n(PDAF). Ang pinagkalooban ng tulong na may kabuuang P15,000,000 ay ang Talaga Irrigation System sa Rizal na tumanggap ng P3,000,000; ang Calumpang Irrigation System sa Nagcarlan na pinagkalooban ng P3,000,000; Taytay Irrigation System sa Nagcarlan din na ang tinanggap ay P2,000,000; ang Prinza Irrigation System sa Calauan na P3,000,000 ang ipinagkaloob; ang Mabacan Irrigation System sa Calauan din na inabutan