Skip to main content

Posts

Showing posts from June 17, 2007

SENSUS NG POPULASYON SA AGOSTO

LIPA CITY - Pinaaalalahanan ang lahat na ang National Statistics Office ay magsasagawa ng population census sa darating na buwan ng Agosto sa buong bansa na ang magiging batayan ng kukuning datus ay ang kalalagayan ng sambahayan sa araw ng Miyerkoles, Agosto 1, 2007 , sang-ayon sa pahayag ni NSO-Region IV-A Director Rosalinda P. Bautista nang makapanayam ng ilang kinatawan ng local mass media sa kanyang tanggapan dito. Ang magiging katanungan ng mga enumerator o census taker ay ang bilang at pangalan ng mga naninirahan sa bansa, at maging ng mga dayuhang inaasahang titigil sa bansa sa loob ng isang taon o mahigit pa, at ang mga pangunahing impormasyong kukunin ay ang gulang, kasarian, kalalagayan sa buhay, edukasyon o pinag-aralan, at iba pang kalalagayan kinakailangan sa pag-aaral sa suliranin ng populasyon. Ipinapapansin ni Director Rosalinda P. Bautista na ang Census Day for Population Census 2007 ay Agosto 1, 2007 , kaya kung ang isang ama ng tahanan ay matatanong o makukuna

202nd INFANTRY BRIGADE,
MAY PANUNTUNAN SA PAGLILINGKOD

RIZAL, Laguna – Ang pagtataguyod ng 202nd Infantry Brigade ng Philippine Army na may punong himpilan sa bayang ito, ng medical and dental mssion sa mga bayan o munisipyong sakop ng kanilang pananagutan, ay may panuntunang sinusunod, sapagka’t ito ay isang gawaing naglalayong mailapit ang pamahalaan sa mga karaniwang mamamayan, kaya ito ay kanilang itinataguyod ng may pakikipag-ugnayan sa mga pinunong lokal, na siyang higit na nakababatid kung ano ang mga tunay na pangangailangan ng kanilang mga mamamayan o nasasakupan. Ito ang ipinauunawa ni Koronel Aurelio Baladad, deputy commanding officer, Idinagdag ni Koronel Rely Baladad na ang medical mission ay sa tulong ng binubuo nilang medical composite team na binubuo ng mga doktor at dentista mga narses, parmasyutica, at sanitarian ng rural health unit ng mga local government unit at mga medical society na kinikilala ng Philippine Medical Society para sa ugnay-ugnay na pagkakaloob ng tulong sa mga sadyang mahihirap na mamamay

HALALAN NG SANGGUNIANG BARANGAY

Nakalathala sa website ng Commission on Elections na www.comelec.gov.ph na ang Synchronized Barangay and Sangguniang Kabataan Elections na itinakda ng Batas Republika Bilang 9340 ay sa Lunes, Oktubre 29, 2007, na liban na lamang kung ito ay masususugan kaagad ng Kongreso ay obligasyon ng komisyon na ituloy ang halalan. Dahil dito, maraming estudyante sa mga kolehiyo sa lunsod na ito na transient resident dito, na ang gulang ay nasa pag-itan ng 15 at 18 taong gulang ang nagtatanon kung kailan ang registration of voters para sila ay makauwi sa bayan kung saan sila ay legal residents para makapagpatala, at makalahok sa halalan. Subali’t nabanggit ni Election Officer Benerando S. Arbilo ng Calauan Election Office na sila ay wala pang tinatanggap ng instruksyon ukol dito, at sa ilang namang pagsubok ng tagapag-ulat na ito na magtanong sa COMELEC Main Office o sa Tanggapan ni Chairman Benjamin Abalos sa pamamagitan ng email, ay hindi naman magtamo ng kasagutan.

ANG NUCLEAR POWER AY MALINIS AT LIGTAS

S a position paper na inihanda ng International Atomic Energy Agency na binasa ni PNRI Director Alumanda M. dela Rosa sa Seminar-Workshop on Nuclear Power noong nakaraang Miyerkoles (Hunyo 20) sa Traders Hotel sa Pasay City ay malinaw na inilahad na langis (fossil fuel), at karbon, ang nuclear power ay malinis at ligtas na gatong sa pagpapatakbo ng mga generator na malaki ang maitutulong upang matustusan ang pangangailangan sa kuryente para sa pagpapakilos ng industriya, pagpapatatag ng lebel ng imbentaryo ng pagkain, at pangangailangang sa pangangalaga ng kalusugan sa isang bansa, tulad ng pakitang halimbawa ng Japan, India, China, Estados Unidos, Englatera, at Russia, na susundan na ng Indonesia at Vietnam simula sa Taong 2015. Ang talakayan ay nilahukan ng mga kilalang nuclear scientist, academician, at dating kagawad ng gabinete (BENETA News)

LAGUNA WATER DISTRICT, NAGLAPAT NG KARAGDAGANG SINGIL

CALAUAN, Laguna – Isang concejal sa bayang ito ang nagsabing nagtataka ang maraming subscriber ng Laguna Water District dito sa paglalapat nito ng karagdagang bayarin sa kanilang nakunsumo at nabayaran ng serbisyo sa patubig noong Taong 2006 na P0.62 bawa’t metro kubiko. Ang nabanggit na bayaring tinatawag na Power Cost Adjustment (PCA) ay babayaran mula Hunyo 2007 hanggang Mayo 2008 o ang bill para sa Enero 2006 ay babayaran sa Hunyo 2007, at ang para sa Disyembre 2006 ay sa Mayo 2008. Ang bayang ito ay sakop ng service area ng Laguna Water District na binubuo ng mga Bayan ng Los Baños, Bay, at bayang ito, na ang punong tanggapan ay nasa Los Baños, at napag-alamang ang bumubuo ng Board of Directors ng distrito ay pawang taga-Los Baños, liban sa isa na residente at kumakatawan sa mga subscriber sa Bay. Ito di-umano ay hindi katulad ng Quezon Water District na binubuo ng Lunsod ng Lucena at mga Bayan ng Pagbilao at Tayabas (o LUPATA), kung saan ang tatlong pamayanan ay pawa