Skip to main content

MAHALAGA ANG LABOR FORCE SURVEY NG NSO

            Ipinaaalam ni Provincial Statistics Officer Magdalena T. Serqueña ng National Statistics Office (NSO)-Laguna na kasalukuyan ay abala ang mga tauhan ng ahensyang ito sa paglikom ng datos na naaukol sa kalagayan ng trabaho ng bansa na tinatawag na Labor Force Survey (LFS).
            Ang LFS ay naglalayon na makakuha at makaipon ng impormasyon buhat sa mga miyembro ng sambahayan na nauukol sa demograpiya at panlipunan at pangkabuhayang katangian ng populasyon. Pangunahing layunin ng LFS ay upang mataya ang bilang at daloy ng may trabaho o walang trabaho sa bansa na nasa idad buhat labinglima pataas.

            Mahalaga ang datos ng LFS sa pagpaplano o pagbabalangkas ng polisiya at pagbabantay ng galaw ng trabaho tungo sa pagtuklas ng mga oportunidad na makakaambag sa paglikha ng iba pang uri ng hanapbuhay upang mabawasan ang bilang ng walang trabaho sa bansa. Ginagamit din ang datos ng LFS para maging basehan sa pagtataya ng bilang ng empleyado na kakailanganin sa pagtugon ng pagsasanay na lilikha ng iba pang uri ng hanapbuhay. Ginagamit din ang LFS bilang sukatan ng datos ng employment, unemployment at underemployment (mga trabaho na kulang sa hinihingi sa itinakdang oras ng paggawa) na naaayon sa kabuhayan, panlipunan at kultura ng populasyon.

            Isinasagawa ang LFS tuwing ikatlong buwan ng taon sa piling sambahayan ng isang barangay. May 51,000 na bilang ng sambahayan sa buong bansa kabilang na ang 1,069 na sambahayan na nasasakupan ng 72 barangay/enumeration areas  sa lalawigan ng Laguna ang tatanungin ng mga tauhan ng NSO. Ito ay sapat nang bilang upang mailarawan ang daloy ng trabaho sa bansa.

Ayon sa resulta ng LFS noong nakaraang Enero 2011, ang Pilipinas ay may talang 61 milyong Filipino na nasa idad mula labinglima pataas. Ayon sa bilang na ito, 63.7 porsyento na Filipino ang tinatayang nasa Labor Force Participation Rate o porsyento ng manggagawang Filipino kahit hindi tumatanggap ng kaukulang kabayaran katulad ng mga anak na tumutulong sa tindahan o sakahan.  Sa bahaging ito, may 92.6 porsyento o may kabuuang bilang na 36 milyong Filipino na mga manggagawa ang may hanapbuhay at 7.4 porsyento o may kabuuang bilang na 3 milyong Filipino  ang walang trabaho. Sa bahagi naman ng may hanapbuahy may 19.4 porsyento o may kabuuang bilang na 7 milyong Filipino ang underemployed. Sa kabilang dako, ang 36.3 porsyento ng 61 milyong Filipino na hindi kasama sa Labor Force Participation Rate ay tulad ng mga estudyante, disabled person, retirees at iba pa.

Ang mga manggagawa naman buhat sa CALABARZON ay may tinatayang employment rate na 90.5 porsyento at unemployment rate na 9.5 porsyento.

            Di dapat mabahala ang sinumang mapiling sambahayan ng NSO dahil ito ay nasa ilalim ng mandato ng Commonwealth Act 591 at Executive Order No. 121 na binibigyan ng karapatan ang mga tauhan ng NSO na magsagawa ng LFS at sila din lamang ang may karapatang makaalam ng nalikom nilang impormasyon.  Kaya nga hinihiling ni Provincial Statistics Officer Magdalena T. Serqueña, puno ng NSO-Laguna, ang pakikipagtulungan ng mga napiling sambahayan upang makatiyak na tama at napapanahon ang datos na malilikom buhat sa kanila. (NSO-Laguna)
Labels:

Comments

Post a Comment

Popular posts from this blog

DOÑA LEONILA (MINI-FOREST) PARK

What is now known as Doña Leonila (Mini-Forest) Park overlooking the Sampaloc Lake is actually a portion of the site for the City Hall Complex purchased in 1937 by the Municipal Government of San Pablo headed by President Inocencio Barleta, which was partly developed after the termination of World War II under the administration of appointed City Mayor, Dr. Fernando A. Bautista. During the incumbency of elected Mayor Lauro D. Dizon Sr., with the help of the Rotary Club of San Pablo, and under the supervision of Dr. Juan B. Hernandez, then club secretary of the local Rotary Club and Chairman of the City Beautification Committee, constructed some park structures at the park, with the fountain featuring the country lass with agriculture harvest as centerpiece. Probably, Hernandez and then City Engineer Perfecto Reyes were inspired by the figures affixed on the façade of the City Hall Building which symbolizes progress. Sometimes on April of 1961 when then President Carlos Garcia made a...
Post a Comment
Read More

FELICISIMO T. SAN LUIS, ANG ALAMAT NG LAGUNA

Si Abogado Felicisimo Tobias San Luis, na isinilang noong Hunyo 23, 1919, at lumaki sa Bayan ng Santa Cruz, ay nanungkulang Punonglalawigan ng Laguna simula noong Disyembre 30, 1955 hanggang sa siya ay papagpamahingahin noong Disyembre 18, 1992, o siya ay tuloy-tuloy na nanungkulan sa loob ng 36 taon, 11 buwan, at 18 araw, na kinikilala ng kasaysayan na siya ang natatanging lider na nanungkulan bilang punong tagapagpaganap ng isang lalawigan sa Pilipinas sa ganoong kahabang panahon.      Isang mabuting mananalumpati, nang ibaba ni Pangulong Ferdinand E. Marcos ang Martial Law o ng ipatupad ang Presidential Proclamation No. 1081 noong 1972, sila ni Alkalde Cesar P. Dizon ng Lunsod ng San Pablo noon, ang inatasan ng Pangulo ng Bansa na maglibot sa mga lalawigan ng bansa upang ipaunawa sa mga pinunong lokal   ang kahulugan ng Martial Law bilang isang proseso upang maitatag ang Bagong Lipunan na inaasahang magbibigay-daan upang makamit ang pambansang kaunlarang pa...
2 comments
Read More

San Pablo City’s Hagdang Bato

             Nobody knew the number of steps it has:   when it was constructed and by whom,   until Mayor Vicente B. Amante asked his private secretary to actually count the number of steps and copy the wordings on the tablets affixed on the lower part of the park structure.             The Hagdang Bato (concrete stairway) leading to the Sampaloc Lake, which is now a famous local landmark, is now part of the logo or official seal of San Pablo, being the City of Seven Lakes.           It was constructed in November 1915 under the administration of municipal president Marcial Alimario, but many, including the youth and technical personnel of the local engineering office, simply look it for granted.  Nobody knew the number of steps it has, when it was constructed and by whom, until Mayor Vicente B. Amante asked his private secreta...
Post a Comment
Read More