Skip to main content

HALALANG PAMBARANGAY SA OKTUBRE 25, MATULOY KAYA?

SAN PABLO CITY -  Kung hindi mapagtitibay ang proposed amendment ng Republic Act No. 9164 na inilahad sa Senado ni Senador Juan Miguel Fernandez Zubiri  na nagtatakda ng pagsasagawa ng Synchronized Barangay and Sangguniang Kabataan  Elections sa darating na Oktubre 25, 2010, ay dapat asahang tuloy-tuloy na ang mga halalang ito, na ang panunungkulan ng mga mahahalal ay magsisimula sa Nobyembre 30, 2010.
     Iminumungkahi ni Senador Zubiri na magkaroon ng extension ang panunungkulan ng mga nakaupong mga pinunong barangay sa pamamagitan pagtatakda na ang halalan ay ganapin sa Oktubre 22, 2012, na ang panunungkulan ay magsisimula sa Nobyembre 30, 2012.
     Ipinapapansin ni Mig Zubiri na ang tangi niyang layunin sa pagbabalak na maipagpaliban ang halalang pambarangay sa taong “ay ang kagalingan ng mga mamamayan”,  sapagka’t siya ay naniniwala na ang tatlong taong panunungkulan ng mga opisyal ng barangay ay lubhang maikli para mabalangkas at maipatupad ang mga palatuntunang inaakalang nilang makabubuti sa pamayanang kanilang pinamumunuan.
     Napag-alamang ang balak na pagpapaliban ng halalan ng mga sangguniang barangay at sangguniang kabataan sa Oktubre 25, 2010 ay kanyang nabalangkas pagkatapos ng mga naisagawa na niyang pakikipagsanggunian o konsultasyon sa maraming pinunong lokal, at asosasyon ng mga pinunong barangay mula sa iba’t ibang rehiyon ng bansa.
     Samantala, napag-alaman mula sa isang mataas na pinunong pangrehiyon ng Komisyon sa Halalan na ang susunod na halalang lokal ay gaganapin sa Mayo 13, 2013 kung saan ang ihahalal ay ang 12 Senador,  Kongresistal Gobernador, Bise Gobernador, Bokal, Alkalde, Bise Alkalde, at mga Kagawad ng Sanggunian. Ang kanilang panunungkulan ay magsisimula sa Hunyo 30, 2013.
     Kaugnay ng proposal ni Zubiri na maipagpaliban ang halalang pambarangay sa Oktubre 25, 2010, kanyang ipinapayo na sulatan at kulitin ang lahat ng mga senador, at ang kanilang  konresista, bago pa man magbukas ang Kongreso sa Hulyo 26, 2010 para muling mapasok ito sa agenda ng Kongreso at agarang maisabatas, tuloy magkaroon ng kapanatagan ang kaisipan ng mga kasalukuyang pinunong barangay, na ang halalan ay magaganap sa Oktubre 22, 2012.(Ruben E. Taningco)                                                                  
     

Comments

Post a Comment

Popular posts from this blog

DOÑA LEONILA (MINI-FOREST) PARK

What is now known as Doña Leonila (Mini-Forest) Park overlooking the Sampaloc Lake is actually a portion of the site for the City Hall Complex purchased in 1937 by the Municipal Government of San Pablo headed by President Inocencio Barleta, which was partly developed after the termination of World War II under the administration of appointed City Mayor, Dr. Fernando A. Bautista. During the incumbency of elected Mayor Lauro D. Dizon Sr., with the help of the Rotary Club of San Pablo, and under the supervision of Dr. Juan B. Hernandez, then club secretary of the local Rotary Club and Chairman of the City Beautification Committee, constructed some park structures at the park, with the fountain featuring the country lass with agriculture harvest as centerpiece. Probably, Hernandez and then City Engineer Perfecto Reyes were inspired by the figures affixed on the façade of the City Hall Building which symbolizes progress. Sometimes on April of 1961 when then President Carlos Garcia made a...
Post a Comment
Read More

FELICISIMO T. SAN LUIS, ANG ALAMAT NG LAGUNA

Si Abogado Felicisimo Tobias San Luis, na isinilang noong Hunyo 23, 1919, at lumaki sa Bayan ng Santa Cruz, ay nanungkulang Punonglalawigan ng Laguna simula noong Disyembre 30, 1955 hanggang sa siya ay papagpamahingahin noong Disyembre 18, 1992, o siya ay tuloy-tuloy na nanungkulan sa loob ng 36 taon, 11 buwan, at 18 araw, na kinikilala ng kasaysayan na siya ang natatanging lider na nanungkulan bilang punong tagapagpaganap ng isang lalawigan sa Pilipinas sa ganoong kahabang panahon.      Isang mabuting mananalumpati, nang ibaba ni Pangulong Ferdinand E. Marcos ang Martial Law o ng ipatupad ang Presidential Proclamation No. 1081 noong 1972, sila ni Alkalde Cesar P. Dizon ng Lunsod ng San Pablo noon, ang inatasan ng Pangulo ng Bansa na maglibot sa mga lalawigan ng bansa upang ipaunawa sa mga pinunong lokal   ang kahulugan ng Martial Law bilang isang proseso upang maitatag ang Bagong Lipunan na inaasahang magbibigay-daan upang makamit ang pambansang kaunlarang pa...
2 comments
Read More

San Pablo City’s Hagdang Bato

             Nobody knew the number of steps it has:   when it was constructed and by whom,   until Mayor Vicente B. Amante asked his private secretary to actually count the number of steps and copy the wordings on the tablets affixed on the lower part of the park structure.             The Hagdang Bato (concrete stairway) leading to the Sampaloc Lake, which is now a famous local landmark, is now part of the logo or official seal of San Pablo, being the City of Seven Lakes.           It was constructed in November 1915 under the administration of municipal president Marcial Alimario, but many, including the youth and technical personnel of the local engineering office, simply look it for granted.  Nobody knew the number of steps it has, when it was constructed and by whom, until Mayor Vicente B. Amante asked his private secreta...
Post a Comment
Read More