SPCWD Updates

by Jose Rizal

Dahil sa suspension order ng Ombudsman (one year without pay) kay General Manager Roger F. Borja dahilan sa hindi nito pagbabalik ng P2Million sa kaban ng ating SPCWD ay nag-appoint sa botong 3-2 ng OIC-General Manager.

Itinalaga si Teresita Banaag Rivera, asawa ni Victor Rivera, bilang OIC ng Office ng General Manager.

Dahil tutol sa pagiging OIC-GM ni Teresita Rivera ang mga empleyado ng ating SPCWD, nag request sa Local Water Utilities Administration o LWUA (ahensya ng gobyerno na may pakialam sa operation ng mga water districts) ang mga kasapi sa Unyon ng SPCWD ng isang Interim General Manager (IGM) bilang siyang tatayong pansamantalang General Manager ng SPCWD habang suspendido si GM Roger Borja.

Pinagbigyan naman ng LWUA ang kahilingan ng SPCWD kaya naglabas ang LWUA ng appointment papers kay Ms. Marilou Anatok, na siyang tatayong IGM ng SPCWD effective Jan. 06, 2010, kapalit ni OIC-GM Teresita Banaag Rivera.

At noong miting ng Board of Directors ng SPCWD noong Jan. 21, 2010 ay dumating nga ang itinalagang Interim General Manager ng LWUA para sa ating SPCWD.

Subalit sa hindi inaasahang pangyayari, ni-question ng grupo ni dating City Fiscal Gerardo Brinas Ilagan, representative ng Professional sector at taga Tiaong, Quezon; Director Normando “Gabby” Lozada, representative ng Education Sector (Academia de Ignatius de Loyola ang nag-nominate sa kanya); Vice-Chairman Eleuterio “Sa Pula, Sa Puti” Amante, representative ng Business Sector, ang pag-upo ng IGM from LWUA sa dahilan na mababa daw ang Salary Grade ng itinalagang IGM kesa sa Salary Grade ni Teresita Rivera. Hindi daw maaatim ni Gng. Rivera na sumunod sa isang mas mababa ang Salary Grade sa kanya (pride?).

Nang hindi umubra sa grupo naman ni Chairman Damaso Ambray, representative ng Civic sector at tiyuhin ni Vice-Mayor Martin Ambray Ilagan at Director Lerma “the Fiscalizer” Prudente, representative ng Women Sector, ang Salary Grade issue ay bumuwelta uli si Director Ilagan na sakop daw ito ng Election Ban. Sa madaling salita ay hindi naka-upo ang IGM ng ating SPCWD. Ang malaking tanong ay bakeeeeeeeeeeeeeeeeeeeeet ayaw ng grupo ni Director Ilagan. Ilan lang ito sa aming nakikitang dahilan:

1. Hindi nila kayang hawakan sa leeg ang IGM from LWUA gaya ng pagpigil nila noon sa suspension order ng Ombudsman kay GM Roger Borja. Kasama nga po pala mga kababayan si OIC-GM Rivera sa kaso ni Borja. May ipinababalik din ang korte na pera sa kanya P0.2M.

2. Baka pag IGM from LWUA ang maupo ay mabulatlat ang maanomalyang BULoK Water Supply Project ng SPCWD. Isa ito sa itinuturong dahilan ng mga pagputok ng linya ng ating tubig pati na rin ang mala-gatas na kulay sa ating tubig. Para po sa inyong kaalaman ay pilit pong itinatago ng management ng ating SPCWD ang tunay na resulta ng mga laboratory results mula sa tubig ng BULoK Water Supply Project (Lagaslasan at Baloc Springs po ang pinanggagalingan ng tubig ng BULoK Water Supply).

Ang BULok Water Supply Project magpahanggang ngayon ay nasa “conditional acceptance” pa pero milyong piso na ang naibayad ng ating SPCWD dito.

3. Daang milyong piso ang nakalaan para sa mga expansion projects ng SPCWD sa taong ito at kung IGM from LWUA ang naka-upo ay baka hindi makapiya-et ang mga directors at management dito.

Ilan lamang po ito sa nakikita naming dahilan sa pagpigil ng ilang grupo sa loob ng ating SPCWD sa pag-upo ng IGM from LWUA. Iisa lamang ang ugat nito at ito ay ang takot na mawala ang control sa mga pagkakakitaang proyekto ng ating SPCWD.

Hanggang sa muli po mga kababayan at dapat ay po ay magkaroon na ng konkretong hakbang ang mga kinauukulan hinggil sa mga kaganapan sa ating SPCWD!