Skip to main content

HYDROPONIC GARDENING, ITINURO SA MGA NAPIPIIT


Sa inisyatibo ni Chief Inspector Wilmor T. Plopinio, District Jail Warden, ang mga napipiit sa San Pablo City District Jail ay sumasailalim ng isang patuluyang palatuntunan upang ang mga napipiit ay mapagkalooban ng angkop na pagsasanay sa ikapagtatamo nila ng kamalayan sa mga gawaing makatutulong upang sa paglabas nila ay mayroon silang malinis na pagkakakitaan. Ito ay bahagi ng apat (4) pangunahing palatuntunan upang ang mga napipiit ay magabayang maging mabubuti at kapakipakinabang na mga mamamayan pagkalabas ng kulungan, ang Livelihood Projects, at ang Educational and Vocational Trainings.

Ayon kay Plopinio, ang Bureau of Jail Management and Penology (BJMP) ay isa sa limang-haligi ng Sistema ng Katarungan Para sa mga Kriminal o Criminal Justice System. Ang kanilang pangunahing pananagutan ay mapangalagaan ang kagalingan ng mga napipiit samantalang sumasailalim ng pagsisiyasat o mga pagdinig; naghihintay na mahatulan sa usaping kanilang kinasasangkutan; at yaong mga naparusahan ng hindi hihigit sa tatlong (3) taon. Pananaw nila na ang BJMP ay maging isang masiglang institusyon na may mataas na pagpapahalaga para matugunan ang makataong pangangalaga at pagpapaunlad sa mga napipiit, at kanilang tinitiyak na ang pagkakaloob ng makataong pangangalaga at pagpapaunlad ng mga napipiit ay nagaganap sa lahat ng antas ng piitan o maging ito ay pandistrito, o panglunsod, o pangmunisipal.

Minarapat ni Jail Chief Inspector Wilmon T. Plopinio na kamakailan ay anyayahan si Plant Propagator Renato A. Belen, na kamakailan lamang ay napiling isa sa mga Namumukod Tanging San Pableño, upang ang mga bilanggo ay turuan sa pagtatanim ng iba’t ibang gulay sa paraang ito ay pinatutubo sa tubig o hydroponic system.

Iminumungkahi ng mga eksperto sa produksyon ng gulay ang sistemang hydroponic upang makatiyak na ang maaaning gulay ay ligtas sa mga nakalalasong kemikal, at nakatutulong pa ito upang mapangalagaang malinis ang kapaligiran sapagka’t ang tubig ay dapat na malinis at ang napapahalo lamang ay ang mga sustansyang kinakailangan ng halaman para ito ay maging malusog at masaganang mapag-aanihan.

Sa tulong naman ng mga farm technician ng Office of the City Agriculturist, ang mga inmates ay napaturuan din ni Plopinio ng container gardening o pagtatanim ng iba’t ibang gulay sa mga basyong lata, plastic, syrofoam boxes o ano mang sisidlang maaaring kumandong ng lupang taniman o potting materials, na angkop sa mga tahanang gipit sa espasyo ang loteng kinatitirikan.

Natalaga na sa iba’t ibang piitan dito sa Isla ng Luzon, at bahagi ng kanyang obserbasyon na ang paggiging abala sa pagsasanay ng mga napipiit ay malaki ang naituulong upang sila ay mapagkalooban ng rehabilitasyon o maibalik sa normal na pamumuhay at nagiging kapakipakinabang na kagawad ng lipunang kanilang gagalawan pagkalabas ng bilangguan. (Ben Taningco)

Comments

Post a Comment

Popular posts from this blog

DOÑA LEONILA (MINI-FOREST) PARK

What is now known as Doña Leonila (Mini-Forest) Park overlooking the Sampaloc Lake is actually a portion of the site for the City Hall Complex purchased in 1937 by the Municipal Government of San Pablo headed by President Inocencio Barleta, which was partly developed after the termination of World War II under the administration of appointed City Mayor, Dr. Fernando A. Bautista. During the incumbency of elected Mayor Lauro D. Dizon Sr., with the help of the Rotary Club of San Pablo, and under the supervision of Dr. Juan B. Hernandez, then club secretary of the local Rotary Club and Chairman of the City Beautification Committee, constructed some park structures at the park, with the fountain featuring the country lass with agriculture harvest as centerpiece. Probably, Hernandez and then City Engineer Perfecto Reyes were inspired by the figures affixed on the façade of the City Hall Building which symbolizes progress. Sometimes on April of 1961 when then President Carlos Garcia made a...
Post a Comment
Read More

FELICISIMO T. SAN LUIS, ANG ALAMAT NG LAGUNA

Si Abogado Felicisimo Tobias San Luis, na isinilang noong Hunyo 23, 1919, at lumaki sa Bayan ng Santa Cruz, ay nanungkulang Punonglalawigan ng Laguna simula noong Disyembre 30, 1955 hanggang sa siya ay papagpamahingahin noong Disyembre 18, 1992, o siya ay tuloy-tuloy na nanungkulan sa loob ng 36 taon, 11 buwan, at 18 araw, na kinikilala ng kasaysayan na siya ang natatanging lider na nanungkulan bilang punong tagapagpaganap ng isang lalawigan sa Pilipinas sa ganoong kahabang panahon.      Isang mabuting mananalumpati, nang ibaba ni Pangulong Ferdinand E. Marcos ang Martial Law o ng ipatupad ang Presidential Proclamation No. 1081 noong 1972, sila ni Alkalde Cesar P. Dizon ng Lunsod ng San Pablo noon, ang inatasan ng Pangulo ng Bansa na maglibot sa mga lalawigan ng bansa upang ipaunawa sa mga pinunong lokal   ang kahulugan ng Martial Law bilang isang proseso upang maitatag ang Bagong Lipunan na inaasahang magbibigay-daan upang makamit ang pambansang kaunlarang pa...
2 comments
Read More

San Pablo City’s Hagdang Bato

             Nobody knew the number of steps it has:   when it was constructed and by whom,   until Mayor Vicente B. Amante asked his private secretary to actually count the number of steps and copy the wordings on the tablets affixed on the lower part of the park structure.             The Hagdang Bato (concrete stairway) leading to the Sampaloc Lake, which is now a famous local landmark, is now part of the logo or official seal of San Pablo, being the City of Seven Lakes.           It was constructed in November 1915 under the administration of municipal president Marcial Alimario, but many, including the youth and technical personnel of the local engineering office, simply look it for granted.  Nobody knew the number of steps it has, when it was constructed and by whom, until Mayor Vicente B. Amante asked his private secreta...
Post a Comment
Read More