Balitang San Pablo : Online

SANTA ROSA CITY - Sa bisa ng isang kasunduang pinagtibay nina yor Arlene Arcillas-Nazareno at Mayor Jejomar C. Binay noong nakaraang Martes, Oktubre 28, 2008 ay naging pormal ang pagiging magkapatid na lunsod ng lunsod na ito at ng Lunsod ng Makati. Ang Lunsod ng Makati ang kinikilalang “financial and commercial center” ng Pilipinas, samantala ang Lunsod ng Santa Rosa ang tinatagurian ngayong “the past rising investment center in South Luzon.” Sa pahayag ni Mayor Arlene Arcillas-Nazareno, kanyang nabanggit na malaki ang maitutulong ng pagiging magkapatid na lunsod ng Santa Rosa at ng Makati para maging tuwiran at masigla ang pagpapalitan ng kamalayan at kasanayan sa larangan ng siyensya at teknolohiya, pagpapaunlad ng pamayanan, pagpapataas ng antas ng edukasyon, pangangalaga sa kapaligiran, at mga paglilingkod na pangkalusugan at panglipunan. Hindi na malayong maging pormal ng tawagin ang lunsod na ito na “New Makati ” o “ Makati of the South,” na ayon kay Mayor Nazareno ay ...

Sa pulong na ginanap sa Hipolito B. Aycardo Hall ng DOST-IV-A masayang nagpapalitan ng kuro-kuro ang mga lider ng re-organisado at pinasiglang Nutrition Communication Network (NUTRICOMNET)-CALABARZON upang mabalangkas ang palatuntunan upang maipalaganap sa CALABARZON Provinces ang tamang kamalayan ukol sa bunga ng mga pananaliksik at pagpapaunlad na sinasagawa ng Food and Nutrition Research Institute (FNRI). Sila ay sina (mula sa kaliwa) FRNI Science Research Specialist Charina A. Javier, Laguna Score’s Mar Diozon, NUTRICOM Vice Chairman, FRNI Deputy Director Zenaida V. Narciso, at ABS-CBN Radio DZMM Correspondent Vic Pambuan, NUTRICOMNET Chairman. ( Ben Taningco )

Tatlong first year college student sa Lunsod ng San Pablo ang napasama sa 5-man Provincial Team ng Laguna na lalahok sa regional elimination contest sa darating na Nobyembre 13, 2008 sa Lipa City upang mapili ang kakatawan sa CALABARZON Provinces sa 17 th Philippine Statistics Quiz na magkatuwang na itinataguyod ng National Statistics Office at Philippine Statistical Association, Inc. na gaganapin sa Maynila sa Disyembre 4, 2008. Sila ay sina (mula sa kaliwa) France Camille A. Credo ng Laguna College na tumapos ng high school sa Laguna College, 3 rd place; Jeric Bryan A. Yaneza ng STI-San Pablo City, na tumapos na tumapos ng high school sa San Jose (Malamig) National High School, 4 th place; at Mary Ariane H. Imbo ng Laguna College, na tumapos ng high school sa Laguna College, 5 th place. Ang first placer ay si Heinrich Sean F. Fabregas ng UPLB College of Arts and Sciences na tumapos ng high school sa Lipa City National Science High School, samantala ang 2 nd place ay si M...

SAN PABLO CITY - Sa personal na pamamatnubay ni former City Vice Mayor Celia Conducto Lopez bilang National Coordinator para sa Convenor Group ay pormal na inilunsad sa Max’s Restaurant dito noong nakaraang Lunes, Oktubre 27, 2007, ang Movement for Good Governance na ang pangunahing layunin ay magabayan ang mga mamamayan sa paghalal sa isang pinunong bayan na subok na ang kakayanan sa pagpapatakbo ng pamahalaan o pagpapakilos ng isang pangangasiwaan. Ang pagkakaroon ng maayos na pangangasiwa sa pamahalaan ang dapat kilalaning sukatan ng pagiral ng tunay na kalayaan, ayon sa tagapagsalita ng kilusan, kaya ang dapat iluklok sa katungkulan ay yaong nagtataglay na ng sapat na kamalayan sa pangangasiwa, at hindi iyong mag-aaral pa bilang tagapagpaganap. Kasama ni Gng. Celia Lopez sa convenor’s group sina Philip Araneta bilang tagapag-ugnay sa Batangas, Roy Cervantes tagapag-ugnay para sa Bicolandia; Rey Lacunas bilang tagapag-ugnay para sa Albay; Abner Lim para sa Quezon; Atty. Alvin A...

KAMPYON SA AWITAN – Si Lhea Marie Deangkinay Hernandez (inset),14 taong gulang ng Barangay Santiago II, at 3 rd year high school student sa San Pablo Colleges, ang tinanghal na kampyon sa Kategoriya ng 16 taong gulang pababa, at nagtamo ng gantimpalang P10,000-cash sa Kasiglahan Todo Bigay Year 4 na itinaguyod ni ABC President Gener B. Amante para sa Liga ng mga Barangay sa Lunsod ng San Pablo, na ang grand final ay ginanap noong Linggo ng gabi, at maiuugnay sa pagdiriwang ng kaarawan ni Mayor Vicente B. Amante ngayong Lunes, Oktubre 27. ( Ben Taningco )

Ang paulit-ulit na karaingan ng mga nagkakasakit na kagawad ng mga mahihirap na sambahayan sa lunsod, ay nagpatunay na makatarungan at kinakailangan ang papatapos ng ipinatatayo ng pangasiwaang lunsod na San Pablo City General Hospital sa Barangay San Jose, upang maging kabalikat ng mga umiiral ng mga pagamutan dito sa Lunsod ng San Pablo. Katotohanang dapat tanggapin na ang dating San Pablo City District Hospital, na ngayon ay pinakikilos ng Pangasiwaang Panglalawigan ng Laguna, ay walang sapat na mga makabagong kagamitan sa pagsusuri o mga sophisticated diagnostic equipments gaya ng CT Scan, o Ultra-Sound, at maging X-Ray Machine, kaya ang mga pangunahing makabagong kagamitan ang kaagad ay pagsisikapang mabili at ma-acquire para sa sariling pagamutan ng pangasiwaang lunsod. Pangkaraniwang idinaraing ng maraming may kapamilyang nagkakasakit na ang kanilang pasyente ay hindi matanggap sa San Pablo District Hospital dahil sa walang bakant...

Sa flag ceremonies sa city hall noong Lunes ng umaga, ay pormal na kinilala ni Mayor Vicente B. Amante ang pagkapaghandog ng isang kompletong yunit ng anaesthesia machine sa San Pablo City General Hospital ng Philippine American Medical Society of Western Pennsylvania na kasalukuyang pinangunguluhan ni Dr. Rogelio Irlandez Borja, sa pamamagitan ng pagkakaloob ng isang plake na nagpapadama ng pagpapahalaga at pasasalamat sa lipunan ng mga manggagamot na nasa puso ang pagtulong sa kanilang mga kababayan sa pamayanang kinakitaan nila ng unang liwanag. Sina Engineers Emmanuel Briñas at Roberto I. Borja ang kumatawan sa lipunan ng mga manggagamot sa pagtanggap ng plake ng pagpapahalaga. (Ben Taningco)