Skip to main content

101 PHILHEALTH ID ITINALA AT IPINAMAHAGI SA SAN PABLO


 
Ang mga nanguna sa mga gawain sa October 2, 2010 Saturday Registration ng PhilHealth sa Lunsod ng San Pablo (mula sa kaliwa) Supervising Nurse Filipina Catipon ng City Health Office, City Administrator Loreto S. Amante, CSWDO Grace D. Adap, Dr. Octavios Daoa ng DOH-Region IV-A (CALABARZON), at Designated Health Educator and Promotion Officer Caridad Gonzales ng City Health Office. (CIO/Diogenes L. Bunquin)


SAN PABLO CITY – Umabot sa kabuuang 101 pamilya ang napagkalooban ng PhilHealth Identification Card upang masakop ng National Health Insurance Program  na ipinamahagi noong Sabado ng hapon sa isang pormal na palatuntunang ginanap sa One Stop Processing Center.

     Sa ulat ni City Social Welfare and Development Officer Grace D. Adap, napag-alaman na ang 70 sa mga nabiyayaan ay residente ng Barangay Bagong Bayan, samantala ang 31 ay naninirahan sa Barangay San Vicente. Sila ay pinili ng naaayon sa kriteryang nakatadhana sa National Household Targetting System ng Department of Social Welfare and Development. Ang nag-abot ng PhilHealth ID ay sina City Administrator Loreto S. Amante bilang kinatawan ng Pangasiwaang Lunsod, at Dr. Octavios Daoa ng Department of Health-Region IV-Am na sinaksihan nina Supervising Public Health Nurse Filipina Catipon sa pangalan ng City Health Office, at Rose Lector at Roberta Esquivel bilang kinatawan ng Department of the Interior and Local Government-San Pablo City Office.

     Nauna rito, ang pangasiwaang lunsod sa inisyatibo ni Alkalde Vicente B. Amante ay nakapamahagi na ng 6,000 PhilHealth ID sa ilalim ng Sponsored Program o ang yunit ng pamahalaang lokal ay nagbayad ng premium. 

     Sa pananalitang binigkas ni Dr. Daoa, kanyang binanggit na ang isinagawang pagtatala at  pamamahagi ng PhilHealth ID ay panimulang Gawain upang matamo ang  layunin ni Pangulong Benigno C. Aquino III na ang lahat ng mga mamamayang Pilipino ay mabigyan ng pagkakataon na mapasailalim ng pantay at matutugunang pangangalaga ng kalusugan. 

     Ang isinagawang pagtatala noong Sabado ay isang inisyatibo upang mabigyang sigla ang pagkilos ng sektor ng kalusugan upang marating ang kalalagayang ang lahat ng sambahayan ay sakop na ng pambansang palatuntunan sa kaseguruhang pangkalusugan.

      Sa panig ng punonglunsod, sa pamamagitan ni City Administrator Loreto Amante ay kanyang hiniling sa lahat ng pamilyang may kakayang makabayad ng halagang P100 bawa’t buwan na magkaroon na ng pagkukusang maging “individually paying member” upang ang mga sadyang mahihirap na lamang at sadyang walang kakayanang makabayad ng health insurance premium ay siya na lamang ipagbayad ng tagatangkilik ng palatuntunan, na sa ilalim ng palatuntunang sinimulan noong Sabado, Oktubre 2, ay sa pagtangkilik ng Department of Health. (CIO/Jonathan S. Aningalan) 

Comments

Post a Comment

Popular posts from this blog

DOÑA LEONILA (MINI-FOREST) PARK

What is now known as Doña Leonila (Mini-Forest) Park overlooking the Sampaloc Lake is actually a portion of the site for the City Hall Complex purchased in 1937 by the Municipal Government of San Pablo headed by President Inocencio Barleta, which was partly developed after the termination of World War II under the administration of appointed City Mayor, Dr. Fernando A. Bautista. During the incumbency of elected Mayor Lauro D. Dizon Sr., with the help of the Rotary Club of San Pablo, and under the supervision of Dr. Juan B. Hernandez, then club secretary of the local Rotary Club and Chairman of the City Beautification Committee, constructed some park structures at the park, with the fountain featuring the country lass with agriculture harvest as centerpiece. Probably, Hernandez and then City Engineer Perfecto Reyes were inspired by the figures affixed on the façade of the City Hall Building which symbolizes progress. Sometimes on April of 1961 when then President Carlos Garcia made a...
Post a Comment
Read More

FELICISIMO T. SAN LUIS, ANG ALAMAT NG LAGUNA

Si Abogado Felicisimo Tobias San Luis, na isinilang noong Hunyo 23, 1919, at lumaki sa Bayan ng Santa Cruz, ay nanungkulang Punonglalawigan ng Laguna simula noong Disyembre 30, 1955 hanggang sa siya ay papagpamahingahin noong Disyembre 18, 1992, o siya ay tuloy-tuloy na nanungkulan sa loob ng 36 taon, 11 buwan, at 18 araw, na kinikilala ng kasaysayan na siya ang natatanging lider na nanungkulan bilang punong tagapagpaganap ng isang lalawigan sa Pilipinas sa ganoong kahabang panahon.      Isang mabuting mananalumpati, nang ibaba ni Pangulong Ferdinand E. Marcos ang Martial Law o ng ipatupad ang Presidential Proclamation No. 1081 noong 1972, sila ni Alkalde Cesar P. Dizon ng Lunsod ng San Pablo noon, ang inatasan ng Pangulo ng Bansa na maglibot sa mga lalawigan ng bansa upang ipaunawa sa mga pinunong lokal   ang kahulugan ng Martial Law bilang isang proseso upang maitatag ang Bagong Lipunan na inaasahang magbibigay-daan upang makamit ang pambansang kaunlarang pa...
2 comments
Read More

San Pablo City’s Hagdang Bato

             Nobody knew the number of steps it has:   when it was constructed and by whom,   until Mayor Vicente B. Amante asked his private secretary to actually count the number of steps and copy the wordings on the tablets affixed on the lower part of the park structure.             The Hagdang Bato (concrete stairway) leading to the Sampaloc Lake, which is now a famous local landmark, is now part of the logo or official seal of San Pablo, being the City of Seven Lakes.           It was constructed in November 1915 under the administration of municipal president Marcial Alimario, but many, including the youth and technical personnel of the local engineering office, simply look it for granted.  Nobody knew the number of steps it has, when it was constructed and by whom, until Mayor Vicente B. Amante asked his private secreta...
Post a Comment
Read More