Skip to main content

35 OFW SA LIBYA, TINULUNGAN NG PANGASIWAANG LUNSOD

Ang nga nakabalik na OFW na San Pableño kapiling sina City Mayor Vicente B. Amante at City Administrator Loreto S. Amante
SAN PABLO CITY – Sa flag ceremonies noong Lunes ng umaga, ay pormal na ipinakilala ni City Administrator Loreto S. Amante ang 35 Overseas Filipino Worker na pawang residente ng lunsod na ito na nabiyayaan ng Voluntary Repatriation Program ng Pamahalaan ng Pilipinas upang sila ay makauwi mula sa Tripoli, Libya kung saan kasalukuyang nagaganap ang pag-aalsa ng mga mamamayan, at pagkatapos nito sila ay inanyayahan ni Mayor Vicente B. Amante sa isang pag-aagahan na ginanap sa auditorium ng San Pablo City General Hospital upang doon sila ay pagkalooban ng cash assistance na P5,000, at commodity assistance na isang (1) kaban ng bigas bawa’t isa. 

     Napag-alamang si Mayor Amante ay may kinasundong isang recruitment agency na nakapag-deploy ng mga manggagawa sa Libya, upang bukod sa Embahada ng Pilipinas sa Tripoli, ay patuloy na ma-monitor kung may nalalabi pa sa Libya na San Pableño na nagnanais na ring makabalik sa Pilipinas.

     Ang nabanggit na tulong ay karagdagan sa ipinangakong tulong ng Pangasiwaang Pambansa sa mga magbabalik na OFW mula sa Libya at iba pang mapapanganib na bansa paalaala ni Mayor Amante.

     Ang isa sa mga nakauwi na nagpapasalamat sa tulong na ipinagkaloob ng pangasiwaang lunsod ay si Bb. Corazon A. Faraon ng Barangay VI-D na umalis ng bansa patungong Tripoli noong Hulyo 4, 2010, na nakauwi at dumating sa Ninoy Aquino International Airport noong Huwebes, Marso 17, sapagkat biglaan ang kanyang ginawang pag-uwi kaya halos ay wala siyang nadala, at ang tinanggap niyang cash assistance ay makatutulong para magkaroon ng kapanatagan ang kanyang kaisipan na mabili ang ilang pangunahing pangangailangan tungo sa normal na pamumuhay.

     Ang ilan sa nakilala ng may ulat nito na nakabalik mula sa Libya, na halos ay pawing iilang buwan pa lamang na nagkatrabaho roon ay sina Nelson Lubi Madriadano ng Santa Cruz (Putol), Melba T. Espiritu ng Santa Maria Magdalena; at Gregorio Prudenciado ng San Diego, na pawing may malulungkot na karanasan, at nagpapasalamat dahil sa ligtas silang nakabalik sa kanilang mahal sa buhay. Ayon sa kanila, ngayon nila nadama na may isang pamahalaang nagmamalasakit sa kaniyang mga mamamayan. (Ruben E. Taningco)

Comments

Post a Comment

Popular posts from this blog

DOÑA LEONILA (MINI-FOREST) PARK

What is now known as Doña Leonila (Mini-Forest) Park overlooking the Sampaloc Lake is actually a portion of the site for the City Hall Complex purchased in 1937 by the Municipal Government of San Pablo headed by President Inocencio Barleta, which was partly developed after the termination of World War II under the administration of appointed City Mayor, Dr. Fernando A. Bautista. During the incumbency of elected Mayor Lauro D. Dizon Sr., with the help of the Rotary Club of San Pablo, and under the supervision of Dr. Juan B. Hernandez, then club secretary of the local Rotary Club and Chairman of the City Beautification Committee, constructed some park structures at the park, with the fountain featuring the country lass with agriculture harvest as centerpiece. Probably, Hernandez and then City Engineer Perfecto Reyes were inspired by the figures affixed on the façade of the City Hall Building which symbolizes progress. Sometimes on April of 1961 when then President Carlos Garcia made a...
Post a Comment
Read More

FELICISIMO T. SAN LUIS, ANG ALAMAT NG LAGUNA

Si Abogado Felicisimo Tobias San Luis, na isinilang noong Hunyo 23, 1919, at lumaki sa Bayan ng Santa Cruz, ay nanungkulang Punonglalawigan ng Laguna simula noong Disyembre 30, 1955 hanggang sa siya ay papagpamahingahin noong Disyembre 18, 1992, o siya ay tuloy-tuloy na nanungkulan sa loob ng 36 taon, 11 buwan, at 18 araw, na kinikilala ng kasaysayan na siya ang natatanging lider na nanungkulan bilang punong tagapagpaganap ng isang lalawigan sa Pilipinas sa ganoong kahabang panahon.      Isang mabuting mananalumpati, nang ibaba ni Pangulong Ferdinand E. Marcos ang Martial Law o ng ipatupad ang Presidential Proclamation No. 1081 noong 1972, sila ni Alkalde Cesar P. Dizon ng Lunsod ng San Pablo noon, ang inatasan ng Pangulo ng Bansa na maglibot sa mga lalawigan ng bansa upang ipaunawa sa mga pinunong lokal   ang kahulugan ng Martial Law bilang isang proseso upang maitatag ang Bagong Lipunan na inaasahang magbibigay-daan upang makamit ang pambansang kaunlarang pa...
2 comments
Read More

San Pablo City’s Hagdang Bato

             Nobody knew the number of steps it has:   when it was constructed and by whom,   until Mayor Vicente B. Amante asked his private secretary to actually count the number of steps and copy the wordings on the tablets affixed on the lower part of the park structure.             The Hagdang Bato (concrete stairway) leading to the Sampaloc Lake, which is now a famous local landmark, is now part of the logo or official seal of San Pablo, being the City of Seven Lakes.           It was constructed in November 1915 under the administration of municipal president Marcial Alimario, but many, including the youth and technical personnel of the local engineering office, simply look it for granted.  Nobody knew the number of steps it has, when it was constructed and by whom, until Mayor Vicente B. Amante asked his private secreta...
Post a Comment
Read More