Skip to main content

ARBOR DAY, LALAHUKAN NG LAHAT NG BARANGAY SA LUNSOD


     SAN PABLO CITY – Tiniyak ni ABC President Gener B. Amante ang pakikilahok ng lahat ng mga rural barangay sa Philippine Arbor Day Celebration na gaganapin sa darating na Sabado, Hunyo 25, 2011 sa pangkalahatang koodinasyon ng Department of the Interior and Local Government (DILG), na ang pangunahing punong kahoy na itatanim ay ang Philippine Mahogany.
     Ayon kay Konsehal Amante, hindi na suliranin sa lunsod na ito ang paghikayat na magtanim ng mga punong kahoy, dahil sa ang pagtatanim ng mga puno ay bahagi na ng pagpapahalaga ng mga taga-nayon, halimbawa sa kanyang sariling barangay, o sa Barangay San Jose (Malamig), dito ay patuloy ang isinasagawang pagtatanim ng iba’t ibang puno, kasama na ang (damong) kawayan bilang bahagi ng kanilang pagsisikap na an gang kapaligiran ng pamayanan ay maging malinis, dahil sa dito nakatayo ang isang  malalaking planta, kasama na ang isang pagawaan ng mga gamot.

     Kinikilala rin na ang Barangay San Jose, na lalong  kilala sa katawagang Malamig, ay bahagi ng watershed ng lunsod, kaya dito ay totohanan ang implementasyon ng pagtatanim ng mga punong kahoy.

     Maging sa kasaysayan ng lunsod, bago ang World War II, ay isang masayang tradisyon ang pakikilahok sa Arbor Day Celebration, isang kulturang inihabilin ng mga Thomasites, o ng mga gurong Americano na nagpapatatag ng sistema ng edukasyon sa bansa. Ang arbor ay mula sa salitang Latin na ang kahulugan ay “tree” o punong kahoy, paalaala pa ng ABC President.

     Samantala, napag-alaman mula kay City Local Government Operations Officer Marciana S. Brosas na ang DILG  Family sa lunsod na ito, o ang kanyang tanggapan, kasama ang mga pinunon at kawani ng San Pablo City Police Station, BJMP District Jail, at San Pablo City Fire Service Station, ay sama-samang magtatanim sa kapaligiran ng Bundok Ubabis sa Barangay San Mateo, bilang pagpapatibay sa kanilang pakikiisa na mapangalagaan ang kapaligiran ng barangay, dahil sa particular na barangay na ito nagkakaroon ng mga pagguho kung may nagdaraang bagyo sa Katimugang Tagalog.

     Sang-ayon kay City Director Marciana S. Brosas, si City Environment and Natural Resources Officer Ramon R. de Roma ang namamahala sa procurement ng planting material, at ang kanyang mga tauhan ang magkakaloob ng mga pagpapayong teknikal sa tamang pagtatanim ng mga puno, upang magkaroon ng katiyakang ito ay mabubuhay at lalago. (Ruben E. Taningco)

Comments

Post a Comment

Popular posts from this blog

DOÑA LEONILA (MINI-FOREST) PARK

What is now known as Doña Leonila (Mini-Forest) Park overlooking the Sampaloc Lake is actually a portion of the site for the City Hall Complex purchased in 1937 by the Municipal Government of San Pablo headed by President Inocencio Barleta, which was partly developed after the termination of World War II under the administration of appointed City Mayor, Dr. Fernando A. Bautista. During the incumbency of elected Mayor Lauro D. Dizon Sr., with the help of the Rotary Club of San Pablo, and under the supervision of Dr. Juan B. Hernandez, then club secretary of the local Rotary Club and Chairman of the City Beautification Committee, constructed some park structures at the park, with the fountain featuring the country lass with agriculture harvest as centerpiece. Probably, Hernandez and then City Engineer Perfecto Reyes were inspired by the figures affixed on the façade of the City Hall Building which symbolizes progress. Sometimes on April of 1961 when then President Carlos Garcia made a...
Post a Comment
Read More

FELICISIMO T. SAN LUIS, ANG ALAMAT NG LAGUNA

Si Abogado Felicisimo Tobias San Luis, na isinilang noong Hunyo 23, 1919, at lumaki sa Bayan ng Santa Cruz, ay nanungkulang Punonglalawigan ng Laguna simula noong Disyembre 30, 1955 hanggang sa siya ay papagpamahingahin noong Disyembre 18, 1992, o siya ay tuloy-tuloy na nanungkulan sa loob ng 36 taon, 11 buwan, at 18 araw, na kinikilala ng kasaysayan na siya ang natatanging lider na nanungkulan bilang punong tagapagpaganap ng isang lalawigan sa Pilipinas sa ganoong kahabang panahon.      Isang mabuting mananalumpati, nang ibaba ni Pangulong Ferdinand E. Marcos ang Martial Law o ng ipatupad ang Presidential Proclamation No. 1081 noong 1972, sila ni Alkalde Cesar P. Dizon ng Lunsod ng San Pablo noon, ang inatasan ng Pangulo ng Bansa na maglibot sa mga lalawigan ng bansa upang ipaunawa sa mga pinunong lokal   ang kahulugan ng Martial Law bilang isang proseso upang maitatag ang Bagong Lipunan na inaasahang magbibigay-daan upang makamit ang pambansang kaunlarang pa...
2 comments
Read More

San Pablo City’s Hagdang Bato

             Nobody knew the number of steps it has:   when it was constructed and by whom,   until Mayor Vicente B. Amante asked his private secretary to actually count the number of steps and copy the wordings on the tablets affixed on the lower part of the park structure.             The Hagdang Bato (concrete stairway) leading to the Sampaloc Lake, which is now a famous local landmark, is now part of the logo or official seal of San Pablo, being the City of Seven Lakes.           It was constructed in November 1915 under the administration of municipal president Marcial Alimario, but many, including the youth and technical personnel of the local engineering office, simply look it for granted.  Nobody knew the number of steps it has, when it was constructed and by whom, until Mayor Vicente B. Amante asked his private secreta...
Post a Comment
Read More